2 गंभीर जखमी तर 1 किरकोळ जखमी
करंजी-मारेगाव राज्य महामार्गावरील खडकी बस थांबा समोरील घटना
सुरेश पाचभाई मारेगाव
मारेगाव तालुक्यातील चोपण येथील 3 व्यक्ती पांडव देवी येथे यात्रेसाठी जात असताना एका अज्ञात पिकअप वाहणाने कट मारल्याने अपघात झाल्याची घटना आज दिनांक 2 नोव्हेंबर 2024 रोज शनिवारला सकाळी 10 वाजताच्या सुमारास घडली.
रवींद्र हरिदास जोगी वय अंदाजे 39 वर्ष,संदीप कुडमेथे वय 50 वर्ष रा.चोपण असे गंभीर जखमी झालेल्या व्यक्तींची नावे तर शालिक चेंडकू जुनगरी वय 35 वर्ष हा किरकोळ जखमी झाला असून हे तिघेही आज दिनांक 2 नोव्हेंबरला 2024 रोज शनिवारला सकाळी 10 वाजताच्या सुमारास MH-29 AX- 3682 या दुचाकीने पांडवदेवी येथे यात्रेसाठी जात होते.
या अपघातात संदीप व रवींद्र हे गंभीर जखमी झाले असून शालिक हा किरकोळ जखमी झाला आहे. त्यांचा अपघात घडताच रस्त्याने ये-जा करणाऱ्या काही नागरिकांनी मदत करत त्यांना लगेच मारेगाव येथील ग्रामीण रुग्णालयात दाखल केले.व तिथे त्याच्यावर प्राथमिक उपचार करून पुढील उपचारासाठी चंद्रपूर येथे स्थलांतरित केल्याची माहिती आहे. या अपघाताचा पुढील तपास मारेगाव पोलीस करत आहे