गावात मिरवणूक व विविध कार्यक्रमाचे आयोजन
ज्ञानेश्वर आवारी झरी (जामणी)
वणी तालुक्यातील चनाखा (परमडोह ) या छोट्या शागावात छत्रपती शिवाजी महाराज यांची ३९५ वी जयंती मोठ्या उत्साहात साजरी करण्यात आली.शिवजयंती निमित्य गावात विविध कार्यक्रमाचे आयोजन करण्यात आले.
गावात ४ वाजता मिरवणुक काढण्यात आली घरोघरी दारात रांगोळ्या घालून मिरवणूकीने स्वागत करण्यात आले.मिरणुकीत गावातील लहान मुले तरुण तरुणी महिला पुरुष मोठ्या संख्येने सहभाग सहभागी झाले.
त्यानंतर हनुमान मंदिरा जवळ रंगमंचावर सांस्कृतिक कार्यक्रमा चे आयोजन करण्यात आले.सुहानी दिपक जोगी या मुलीने शिवगर्जना सादर केली.विनय निमकर व वैभव काकडे या तरुणांनी जाणता राजा छ. शिवाजी महाराज यांचा पराक्रम व शार्याची या निमित्ताने आठवण करून दिली.
कार्यक्रमाचे अध्यक्ष ओम प्रकाश थेरे पो.पा.प्रमुख पाहुणे सुभाष मत्ते सरपंच,प्रमुख अतिथी अर्जुन थेरे अध्यक्ष देवस्थान कमिटी,श्रीकृष्ण ढवस तंटामुक्ती अध्यक्ष,भाणुदास काकडे माजी सरपंच रा जु मळचापे शाळा व्यवस्थापन समिती उपस्थीत होते.
या कार्यक्रमाचे संचालन सचिन निमकर यांनी केले.या कार्यक्रमाच्या निमित्ताने विविध उपक्रमात सहभाग घेणाऱ्या खुषी मते,नव्या निमकर गुंजन तिखट,जागृती कनाके,उत्तरा झाडे,आदिती मते,गुणगुण मडचापे, पुनम थेरे, ऋतिका झाडे या या मुलींचा पारितोषिक व सन्मानचिन्ह देऊन सत्कार करण्यात आला.या कार्यक्रमात गावातील सर्व जाती-धर्माचे लोक एकजुटीने सहभागी झाल्याचे दिसुन आले या निमित्ताने ग्राम भोजन आयोजित करून शिवजन्मोत्सव साजरा केला गेला.