बातमी ऐका (Marathi Voice Reader)
चंद्रपूर : अवघ्या 20 दिवसांपूर्वी आंतरजातीय प्रेमविवाह करणाऱ्या तरुणीला भयंकर प्रसंगाला सामोरं जावं लागलं. नव्या संसाराची स्वप्ने पाहणाऱ्या तरुणीचा प्रियकर पतीनंच अमानुष छळ केल्याचा प्रकार चंद्रपूरमधून पुढं आला आहे. पत्नीवर संशय घेऊन पतीने मित्राच्या मदतीने तिला स्मशानभूमीत नेलं आणि तिच्यावर दोघांनी अत्याचार केले. याप्रकरणी दुर्गापूर पोलिसांत गुन्हा दाखल झाला असून पतीसह त्याच्या मित्राला अटक करण्यात आली आहे.
नेमकं घडलं काय?
पीडित तरुणी आणि तिचा प्रियकर यांची जात वेगळी आहे. त्यामुळे त्यांच्या प्रेमविवाहाला कुटुंबाचा विरोध होता. मात्र, त्या विरोधाला न जुमानता दोघांनी 6 ऑगस्ट रोजी नोंदणी पद्धतीने प्रेमविवाह केला. लग्न केल्यामुळे दोन्ही कुटुंबांनी नाईलाजाने या नात्याला संमती दर्शवली. तसेच कुटुंबीय लवकरच मुस्लिम रीतीरिवाजाप्रमाणे पुन्हा विवाह सोहळा पार पाडण्याची तयारी करत होते. त्यामुळे दोघेही पुन्हा आपापल्या घरी राहत होते.
मॅट्रिमोनी साईटवर ओळख; लग्नाची स्वप्नं…महिलेला भेटायला फ्रान्समधून पुण्यात आला, पण एअरपोर्टवरच इतकं मोठं कांड की सगळे हादरले
पत्नीचा फोन व्यस्त
25 ऑगस्ट रोजी पतीने पत्नीला फोन केला. तेव्हा फोन व्यस्त असल्याचं लक्षात आलं. वारंवार फोन करून देखील फोन व्यस्तच येत होता. त्यानंतर तो तिच्या घरी गेला. तेव्हा देखील ती फोनवर बोलत असल्याचे पाहून संशयाचं भूत डोक्यात गेलं. दोघांत तीव्र वाद झाला आणि पतीनं तिच्यावर संशय घ्यायला सुरुवात केली.
स्मशानभूमित नेलं आणि…
संतापलेल्या पतीच्या डोक्यात वेगळंच सुरू होतं. तरुणी शिवण क्लासला गेली. तेव्हा पती तिच्यावर पाळत ठेवून तिला गाठलं आणि मित्राच्या मदतीने जबरदस्तीने निर्जन स्मशानभूमीत नेलं. तिथं पतीनंच मित्र कुणाल बोरकर (वय 19) याच्यासह तरुणीवर अत्याचार केले. पतीच्या या कृत्यानं तरुणीला मानसिक धक्का बसला. त्यानंतर तिने थेट दुर्गापूर पोलीस ठाणं गाठलं. तसेच घडल्या प्रकाराची माहिती पोलिसांना दिली.
दरम्यान, तरुणीने दिलेल्या माहितीवरून दुर्गापूर पोलिसांत पतीसह मित्रावर गुन्हा दाखल झाला आहे. तसेच दोघांना अटक केली असून पोलीस अधिक तपास करीत आहेत.
