सुरेश पाचभाई मारेगाव
मारेगाव तालुक्यातील गोंडबुरांडा येथील रहिवासी श्री. ज्ञानेश्वर दादाजी बोढे (वय ५३) यांचे दीर्घ आजाराने नागपूर येथील एका खाजगी रुग्णालयात आज (दि. ११ जानेवारी २०२६) रोज रविवारला सायंकाळी ४.३० वाजता दुःखद निधन झाले.
मितभाषी, मनमिळावू व सर्वसामान्यांशी आपुलकीने वागणारे व्यक्तिमत्त्व म्हणून श्री. बोढे यांची परिसरात ओळख होती. त्यांच्या अचानक जाण्याने कुटुंबीयांसह मित्रपरिवार व गावकऱ्यांमध्ये तीव्र शोककळा पसरली आहे.
त्यांच्या पार्थिवावर सोमवार (दि. १२ जानेवारी २०२६) सकाळी ठीक ११.०० वाजता त्यांच्या मूळ गावी मु. ऐकोणा, ता. वरोरा, जि. चंद्रपूर येथे अंत्यसंस्कार करण्यात येणार आहेत.
त्यांच्या पश्चात आई,वडील, पत्नी, एक मुलगा, एक मुलगी, दोन भाऊ तसेच मोठा आप्तपरिवार आहे. त्यांच्या निधनाने गोंडबुरांडा व ऐकोणा परिसरात हळहळ व्यक्त केली जात आहे.
