काल सायंकाळी झाला होता शिवणाळा फाट्याजवळील अपघात
सुरेश पाचभाई मारेगाव
करंजी कडून मारेगाव कडे जात असलेल्या भरधाव पिकअप ने दुचाकी स्वाराला काल सायंकाळी धडक दिली होती.यात दुचाकीस्वार जागीच ठार झाल्या तर एक गंभीर जखमी झाल्याची घटना राज्य महामार्गावरील शिवणाळा फाट्याजवळ घडली होती. ही घटणा काल दिनांक 23 ऑक्टोंबर 2024 रोज बुधवारला सायंकाळी 7:30 वाजताचे दरम्यान घडली होती.
रवींद्र रामकृष्ण अवताडे वय अंदाजे 35 वर्ष रा.खडकी ता.मारेगाव हे अपघातात जागीच ठार झाले होते तर अतुल वसंतराव किनाके वय 28 वर्ष रा खडकी हा गंभीर जखमी झाला होता.अतुल हा गंभीर जखमी असल्याने त्याच्यावर ग्रामीण रुग्णालय मारेगाव येथे प्राथमिक उपचार करून त्याला पुढील उपचारासाठी चंद्रपूर येथे स्थलांतरित केले होते पण चंद्रपूर येथे रात्रीच्या सुमारास उपचारा दरम्यान मृत्यू झाला असुन
अतुल यांचे पश्चात आई, वडील, एक भाऊ, वाहिनी असा आप्त परिवार आहे.या अपघाताचा पुढील तपास मारेगाव पोलीस करीत आहे.
एकाच गावात दोन तरुण मुलांचे मृत्यू झाल्याने गावात पूर्णपणे शोकाकुळ पसरली आहे. त्यांच्या अशा अपघाती मृत्यूने गावात व परिसरात हळहळ व्यक्त केली जात आहे.