नवरगाव(धरण) येथील घटना
सुरेश पाचभाई मारेगाव
मारेगाव तालुक्यातील नवरगाव (धरण) येथील 21 वर्षीय तरुणीने राहत्या घरी गळफास घेऊन आत्महत्या केल्याची घटना काल दिनांक 23 नोव्हेंबर 2024 रोज शनिवारला सायंकाळी 6:30 वाजताच्या सुमारास उघडकीस आली.
खुशबू सुभाष मोहुर्ले रा.नवरगाव (धरण) असे स्वतःच्या घरात गळफास लावून आत्महत्या केलेल्या तरुणीचे नाव आहे.खुशबू ही वणी येथे स्पर्धा परीक्षेची तयारी करीत होती.व ती वणी येथे किरायाने रुम करून राहत होती.तिच्या क्लासेसला दोन दिवस सुट्टी असल्यामुळे ती स्वगावी नवरगाव येथे आली होती.तिची आई नेहमीप्रमाणे सकाळी गावातीलच एका शेतकऱ्यांच्या शेतामध्ये कामासाठी गेली होती.
सायंकाळी शेतातून कामावरून आई घरी परतली तेव्हा दरवाजा टेकवून होता.आईने दरवाजा उघडून बघितले असता घरातील मधल्या खोलीमध्ये मुलगी स्कार्फच्या (दुप्पटा) सहाय्याने गळफास घेतलेल्या अवस्थेत आढळून आली.आईने आरडाओरड केली असता गावातील नागरिक घटनास्थळी दाखल झाले.व तरुणीला लगेच मारेगाव येथील ग्रामीण रुग्णालयात दाखल केले पण तेथील डॉक्टरांनी खुशबू हिला तपासून मृत घोषीत केले.
मृतक खुशबूच्या पश्चात आई व विवाहित दोन बहिणी असून तिच्या वडिलांचे निधन झाले आहे.खुशबूच्या आत्महत्येचे कारण अस्पष्ट असून या प्रकरणाचा पुढील तपास ठाणेदार संजय सोळंके यांचे मार्गदर्शनाखाली जमादार दिगांबर किणाके करित आहे.