सुरेश पाचभाई मारेगाव
मारेगाव तालुक्यातील मुळगाव बोटोणी येथील कु.मनस्वी विशाल पिंपरे वय ७ वर्ष ,सध्या राहणार कोंढवा बु ,पुणे हि एक आंतरराष्ट्रीय स्केटिंग खेळाळू व जागतिक विक्रमवीर आहे.
मनस्वीने ३ वर्ष ६ महिन्याची असताना स्केटिंगचे प्रशिक्षण घेण्यास सुरुवात केली. ०९ ऑक्टोम्बर २०२१ रोजी पहिली राज्यस्तरीय स्केटींग स्पर्धेमध्ये कांस्य पदक मिळविले,त्यांनतर अवघ्या ३ वर्षाच्या कालावधीत तिने १ आंतरराष्ट्रीय,११ राष्ट्रीय ,१२ राजस्तरीय आणि ६५ जिल्हास्तरातीय स्केटिंग चॅम्पियनशीप मधुन एकूण १०० सुवर्ण पदके , १४ रजत पदके आणि १२ कांस्य पदके मिळविली आहे.
संपूर्ण भारतातील मनस्वी हि पहिलीच खेळाळू असेल जिने इतक्या कमी वयात व कमी कालावधीत १०० सुवर्ण पदके मिळवली असेल. लवकरच मनस्वीच्या या अनोख्या विक्रमाची नोंद केली जाणार आहे. या अगोदर सुद्धा मनस्वीणे वयाच्या ४ थ्या वर्षी मालदीव येथे आंतरराष्ट्रीय स्केटिंग स्पर्धेमध्ये ३ सुवर्ण पदके मिळवली.वयाच्या ५व्या वर्षी ५० मीटर फायर लिंबो स्केटिंग वर्ल्ड रेकॉर्ड , वयाच्या ६व्या वर्षी उभ्या मोबाईल एवढ्या उंची (१६.५) खालून जाऊन गिनीज वर्ल्ड रेकॉर्ड करणारी जगातील सर्वात लहान मुलगी आणि नॅशनल स्केटिंग स्पर्धेत महाराष्ट्र राज्यासाठी कांस्य पदक मिळविले.
आणि ७व्या वर्षी १०० सुवर्ण पदकाचं एक नवा विक्रम करणार. हे सर्व विक्रम करण्यासाठी मनस्वीने अथक परिश्रम घेतले असुन तिचे स्केटिंग प्रशिक्षक विजय मलजी यांचे मार्गदर्शन लाभले आहे. मनस्वी सध्या रॉक ऑन व्हील स्केतींग अकॅडमी कात्रज येथे स्केटिंगचे प्रशिक्षण घेत असून मारुती बधे मेमोरिअल स्कूल येथे शिकत आहे. तिचे पालक मनस्वीच्या स्केटिंग सोबत तिच्या सरावा वर विशेष लक्ष देतात , तिने केलेल्या या अनोख्या विक्रमाचे सर्वत्र कौतुक होत आहे.