कडेला असलेल्या दुभाजकाला धडकतात वाहने
संबंधीत विभागाचे दुर्लक्ष
सुरेश पाचभाई मारेगाव,
मारेगाव यवतमाळ राज्य महामार्गावरील करणवाडी जवळ असलेले हायमास्ट लाईट मागील 3 महिन्यापासून बंद आहे.रात्रीच्यावेळी नवीन या परिसरात नव्याने येणारे वाहनधारक यांना रस्त्याचा अंदाज नसल्याने अनेकवेळा वाहने रस्त्याच्या कडेलाच असलेल्या दुभाजकावर धडकत असल्याचे चित्र असून संबंधीत विभाग मात्र झोपेचे सोंग घेऊन असल्याचे दिसत आहे.
मारेगाव ते यवतमाळ दरम्यान राज्य महामार्गावरील मारेगाव जवळील करणवाडी फाट्याला लागून मोठे हायमास्ट लाईट लावण्यात आलेले आहे. येथे वाहनधारकांसाठी वाहनतळ असून येथे वाहनधारक विश्रांतीसाठी थांबत असतात. त्यामुळे या ठिकाणी मोठया हायमास्ट लाईटची व्यवस्था करण्यात आली. परंतु मागील 3 महिन्यापासून हे हायमास्ट लाईट बंद अवस्थेत आहे.
त्यामुळे रात्रीच्या वेळी रस्त्याला लागून असलेल्या दुभाजकावर जाऊन वाहने आदळतात आणि अपघात घडतात. या ठिकाणी प्रत्येक आठवड्यामध्ये दोन ते तीन किरकोळ स्वरूपाचे अपघात घडले असल्याचे सांगण्यात येत आहे. परंतु याकडे संबंधीत विभाग मात्र झोपेचे सोंग घेऊन पाहत असल्याचा आरोप नागरिकांकडून केल्या जात आहे.
संबंधीत विभागाला होत असलेल्या अपघाताच्या घटना ह्या बहुतेक कमी वाटत असल्यानेच याकडे डोळेझाक करते की काय अशी शंकाही व्यक्त केल्या जात आहे.