आत्महत्येचे कारण अपष्ट
सुरेश पाचभाई मारेगाव
मारेगाव तालुक्यातील कुंभा येथील एका 27 वर्षीय विवाहित युवकाने शेतातील विहिरीत उडी घेत आत्महत्या केल्याची घटना काल दिनांक 24 जानेवारी 2025 रोज शुक्रवारला सायंकाळी 5 वाजता उघडकीस आली.
अभीकाश उर्फ आकाश नत्थू आस्वले अंदाजे वय 27 वर्षे रा. कुंभा असे मृतकाचे नाव आहे.
तो सकाळी वणी येथे एका दवाखान्यात वडीला सोबत गेल्याची माहिती आहे.तेथून परत आल्यानंतर दुपारच्या सुमारास गावातील एका शेतकऱ्याच्या शेतातील विहिरीत उडी घेत आत्महत्या केली.काही वेळेनंतर त्याचा मोठा भाऊ सुद्धा शेताकडे गेला असता तो दिसत नसल्याने भावाने त्याचा शोध घेतला असता तो विहिरीत मृत अवस्थेत आढळून आला.
आकाश याच्या मृत्यूचे नेमके कारण स्पष्ट झाले नाही. त्याचा मागे आई-वडील, पत्नी,भाऊ असा आप्त परिवार आहे. या प्रकरणाचा पुढील तपास ठाणेदार संजय सोळंके यांच्या मार्गदर्शनात मारेगाव पोलीस करीत आहे.