रास्त भाव दुकानाचा परवाना रद्द करण्याची मागणी.
मोफत धान्य वाटप केले नाही असा गावकऱ्यांचा आरोप
तालुका प्रतिनीधी :-झरी (जामणी) ज्ञानेश्वर आवारी
[88059 79173]
झरी (जामणी )तालुक्यातील दुर्गापूर येथील रास्त भाव दुकानदार सतीश भालेराव यांच्या गोदामातून खुल्या बाजारपेठेत विक्रीसाठी जाणारे धान्य ग्रामस्थांनी रात्री अकराच्या दरम्यान पकडले या गोदामातून सुरदापुर येथील महिंद्रा पिकप गाडी मधून हे धान्य येत असल्याचे आढळले ,ग्रामस्थांनी ही गाडी थांबवून चौकशी केली असता वाहन चालक राकेश राम रेड्डी अल्लूरवार यांनी प्रथम माहिती देण्यास टाळाटाळ केली.
गावातील नागरिकांनी आक्रमक होऊन तहसीलदारांना मोबाईल द्वारे माहिती दिली.त्यावरून तहसीलदार गिरीश जोशी आणि श्री मोरे आणि महसूल चे कर्मचारी घटनास्थळी दाखल होऊन महिंद्रा पिकप मधील धान्याचा पंचनामा करून पोलीस स्टेशन पाटण येथे सदर वाहन लावण्यात आले,पंचनामा करून संबंधितावर गुन्हे दाखल करण्याचे आदेश दिले आहे , बातमी लिहे परियंत दुकानदारावर कारवाई करण्यात आलेली नाही,
दुर्गापूर येथील गावकऱ्यांनी मोफत धान्य आम्हाला मिळाले नाही त्यामुळे मोफत धान्य गेले कुठे यापूर्वी असे धान्य देण्यात आले की काय असा प्रश्न गावकर्यां समोर पडला आहे. तेव्हाच सदर घटनेची सखोल चौकशी करून रास्त भाव दुकानदार परवाना रद्द करण्याची मागणी जोर पकडत आहे.
हे धान्य पकडून देण्यामध्ये दक्षता समितीचे अध्यक्ष प्रवीण लेनगुळे, रवी नखाते, सुभाष नखाते, कैलास अक्कलवार, पोपेशवर गवळी ,निखिल वनकर, निखिल नगराळे सुनिता नखाते ,दया कर भोंग, यासह मोठ्या प्रमाणातील गावकऱ्यांनी पुढाकार घेतला होता