20 ऑगस्ट ला गावालगतच्या तलावात आढळून आला होता मृतदेह.
केळापुर तालुका प्रतिनिधी :- सागर मुडे
[ 9822147144 ]
केळापुर तालुक्यातील सखी बुद्रुक येथे 20 ऑगस्ट 2022 ला गावालगतच्या तलावात अनोळखी इसमाचा मृतदेह असल्याचे पादचारी शेतकऱ्यांला दिसून आल्याने एकच खळबळ उडाली होती. शेतकऱ्यांने सदर माहिती गावातील लोकांना दिली त्यापश्चात घटनेची माहीती पांढरकवडा पोलिसांना देण्यात आली होती. मात्र मृतदेह हा गावातीलच बाबाराव दौलत मेश्राम वय 40 राहणार सखी बुद्रुक याचा असल्याचे निष्पन्न झाले होते.
मृतकं 10 दिवसापासून बेपत्ता होता मात्र 20 ऑगस्ट ला त्याचा मृतदेह तलावात मिळाल्याने मृतकाच्या पत्नीने संशय घेत जुन्या वादाचा उल्लेख करताच. पांढरकवडा पोलीस स्टेशनचे कर्तव्यदक्ष पोलीस उपनिरीक्षक संदीप बारींगे व सहकाऱ्यांनी तपास चक्रे फिरवत गावातीलच संशयित आरोपी भीमराव अर्जुन मेश्राम वय 42 राहणार सखी बुद्रुक याला अटक करण्यात आली. खात्रीपूर्वक विचारपूस केली असता संशयित आरोपी भीमराव मेश्राम याने आपण दिनांक 10 ऑगस्ट 2022 ला शेतीच्या वादातुन घटनेच्या दिवशी आपणच काठीने मारहाण केल्याचे मान्य केले.
23 ऑगस्ट मंगळवारी आरोपीला न्यायालयात हजर केल्यानंतर अजून रितसर विचारपूस करनार असल्याचे माहिती आहे. सदर कार्यवाही उप विभागीय पोलिस अधिकारी प्रदीप पाटील, जगदीश मंडलवार पोलीस निरीक्षक पांढरकवडा यांच्या मार्गदर्शनाखाली पोलीस उपनिरीक्षक संदीप बारींगे, बिट जमादार प्रमोद जुनुनकर , शशीकांत चांदेकर हे अधिक तपास करीत आहे.