अवैध धंदेवाले यांचे धाबे दणाणले.
केळापुर तालुका प्रतिनिधी :- सागर मुडे
[ 9822147144 ]
केळापुर :- पोलीस स्टेशन पांढरकवडा जि. यवतमाळ येथे सन २०२२ – २०२३ मध्ये होणारे सार्वजनिक उत्सव शांततेत पार पडावे याकरीता पोलीस स्टेशन अभिलेखावर असेलेले गुन्हेगार यांचेवर प्रभावी प्रतिबंध कार्यवाही करण्याबाबत वरीष्ठाकडून सुचना प्राप्त झाल्या आहेत वरून पो.स्टे. अभिलेखावरील अवैध दारूचा व्यवसाय करणारा ग्राम करंजी येथील रहीवासी नामे नंदू सखलाल – राठोड वय ४१ वर्षे याचे विरुध्द एम. पी. डी. ए. कायदया अंतर्गत कार्यवाही करण्यात आली होती. सदर कार्यवाहीचा प्रस्ताव मा. जिल्हाधिकारी साहेब यवतमाळ यांचे कडे पाठविण्यात आले.
असता मा. जिल्हाधिकारी यांनी नमुद गुन्हेगार यास एक वर्षासाठी स्थानबध्द करून जेल दाखल करण्या बाबतचा आदेश पारीत केला असत्याने गुन्हेगार नामे – नंदू सखलाल राठोड हयास दिनांक ०९/०८/२०२२ रोजी पासून यवतमाळ जेलमध्ये दाखल करण्यात आले आहे. तसेच पोलीस स्टेशन मार्फत आणखी गुन्हेगारांवर एम. पी. डी. ए. अंतर्गत कार्यवाही करणे सुरू आहे. व काही गुन्हेगारांचे विरुध्द हद्दपारीचे प्रस्ताव तयार करून कार्यवाही करणे सुरू आहे.
सदर कार्यवाही मा. पोलीस अधीक्षक साहेब, अपर पोलीस अधीक्षक साहेब, उपविभागीय पोलीस अधिकारी साहेब पांढरकवडा यांचे मार्गदर्शना खाली पोलीस निरीक्षक जगदीश मंडलवार, पोलीस उपनिरीक्षक संदिप बारिंगे, पो.हवा. प्रमोद जुनूनकर, पो.कॉ. शशिकांत चांदेकर यांनी केली आहे