तालुका प्रतिनिधी:- वणी
वणी तालुक्यातील भुरकी (रांगणा) येथील एका शेतकरी युवकावर वाघाने हल्ला करुन ठार केल्याची घटना आज दिनांक 10 नोव्हेंबर 2022 रोज गुरुवारला सायंकाळी 5:30 च्या सुमारास उघडीस आली.
अभय मोहन देऊळकर वय सुमारे 25 वर्ष रा.भुरकी (रांगणा)असे मृतक युवकाचे नाव असुन तो नेहमी प्रमाणे भुरकी मनगाव शेतशिवारात असलेल्या आपल्या स्वताच्या शेतामध्ये जनावरे चारत असतांना दबा धरुन बसलेल्या वाघाने अचानक हल्ला चढवीला यात 25 वर्षीय युवक हा जागीच ठार झाल्याची माहिती प्राप्त झाली आहे.त्याचे मागे आई,वडील,एक भाऊ असा आप्त परिवार आहे.
शेतकरी कुटुंबातील तरुण मुलांचा बळी वाघाच्या हल्यात गेल्या मुळे त्या युवकाच्या कुटुंबाला आर्थिक मदत मिळावी असे नागरिकातुन बोलल्या जात आहे. व या परिसरातील वाघाचा बंदोबस्त लवकरात लवकर करण्यात यावा अशी मागणी मनगाव,भुरकी, रांगणा,परिसरातील नागरिकाची आहे.