वाई (कांन्हाळगाव) येथेल घटना.
केळापुर तालुका प्रतिनिधी :- सागर मुडे
[ 9822147144 ]
केळापुर तालुक्यातील वाई (कांन्हाळगाव) येथे वाघाचा गाईवर हल्ला गाय गंभीर जखमी हि घटना आज दिनांक 26 मार्च 2023 रोज रविवारला सकाळी 11 वाजताच्या सुमारास घडली.
वाई (कांन्हाळगाव) येथील शेतकरी ओमप्रकाश बबन कपाट रा.वाई (गुरुद्वारा) यांचा मुलगा आज सकाळी 11 वाजताच्या सुमारास नेहमी प्रमाणे आपल्या शेतात दोन बैल व एक गाय हातात दोर पकडुन नेत असताना प्रफुलभाऊ मानकर यांचे शेताजवळ दबा धरुन असलेल्या वाघाने रस्त्याने जात असलेल्या गाईवर हल्ला केला यात गाय गंभीर जखमी झाली.
असुन परिसरातील काही नागरीकांच्या लक्षात येताच त्यांनी आरर्डा ओरड केली असता वाघानी तेथुन पळ काढला पण या हमल्यात गाय गंभीर जखमी झाली सुदैवाने त्या मुलाला कुटलिच हानी पोहचली नाही.ओमप्रकाश बबन कपाट यांच्या मालकीहक्काची गाय असल्याची माहिती प्राप्त झाली असुन कपाट यांचे कडे वाई (कांन्हाळगाव) येथे 3 एकर शेती आहे. शेतशिवारात येन रस्त्यावर लगत हि घटना घडली.
त्या मुळे परिसरात भितीचे वातावरण निर्माण झाले आहे. या पशुधन मालकाने त्वरीत वन विभागाला घटनेच्या संदर्भात माहिती दिली.परिसरात वाघाचे आगमन झाल्याने वन विभागाने त्वरित वाघाचा बंदोबस्त करावा असे परिसरातील नागरिकांकडून बोलल्या जात आहे.