ट्रक रोडच्या दुसऱ्या बाजूला जाऊन पलटी.
शेतकऱ्याचा उपचारादरम्यान चंद्रपूर येथे मृत्यू.
मारेगाव ते वणी राज्य महामार्गावरील घटना.
मारेगाव ते वणी राज्य महामार्गावर वणी कडून कोळसा घेऊन यवतमाळ कडे जाणाऱ्या ट्रकने पायदळ जाणाऱ्या शेतकऱ्याला जबर धडक दिली व रोडच्या दुसऱ्या दिशेला पलटी झाला.ही घटना काल दिनांक 13 जुन 2023 रोज मंगळवारला रात्री 9.30 वाजताचे सुमारास मारेगांव पासुन काही अंतरावर राज्यमहामार्गावर घडली.
सुरेश विश्वनाथ पारखी वय सुमारे 40 रा.मारेगाव असे अपघातात मृत्यू झालेल्या शेतकऱ्याचे नाव आहे.ते काल रात्री 9.30 वाजताचे सुमारास मांगरुळ जवळील शेतातून काम आटोपुन मारेगाव कडे आपल्या दिशेने पायदळ घरी येत असताना भरधाव ट्रकने जबर धडक दिली.
या अपघातात ते गंभीर जखमी झाले.रस्त्याने ये-जा करणाऱ्या काही नागरिकांनी सुरेश यांना उपचाराकरिता मारेगाव येथील ग्रामीण रुग्णालयात दाखल केले पण त्यांची प्रकृती गंभीर असल्याने त्यांना पुढील उपचारार्थ चंद्रपूर येथे हलविण्यात आले पण उपचारादरम्यान रात्रीच्या सुमारास त्यांची प्राणज्योत मालवली.शेतकऱ्याचा चंद्रपूर रुग्णालयात मृत्यू झाल्याने शहरात हळहळ व्यक्त होत आहे.
सदर ट्रक हा वणी कडून कोळसा घेऊन यवतमाळ जाणारा ट्रक क्रमांक MH 34 BZ 0046 ने सुरेश पारखी यांना जबर धडक दिली व ट्रक रस्त्याच्या दुसऱ्या कडेला जाऊन पलटी झाला.
असुन हा अपघात राज्य महामार्ग असलेल्या मारेगाव व मांगरुळ जवळील एका पेट्रोल पंपाजवळ झाला.
मृत सुरेश यांचे पश्चात आई,वडील,पत्नी व एक मुलगा असुन त्याचे असे अवेळी जग सोडून गेल्याने परिसरात हळहळ व्यक्त होत आहे.या प्रकरणाचा पुढील तपास मारेगांव पोलीस करत आहे.