अपघातात रवी भाऊराव राऊत ठार.
सुरेश पाचभाई मारेगांव,
मारेगाव तालुक्यातील घोडदरा येथील रवी भाऊराव राऊत हे काल दिनांक 18 जुन 2023 रोज रविवारला घोडदरा येथुन 4 वाजताच्या सुमारास दोन्ही मुलीची तब्येत दाखविण्याकरीता मुली सह सेवाग्राम येथे निघालेल्या होते पण रस्त्यातच वडीलांचे अपघाती निधन झाल्याची दुःखद घटना काल सायंकाळी 7 वाजताच्या सुमारास नागपूर-हैदराबाद राज्य महामार्गावरील पिंपरी (पोहना) येथे घडली. या घटनेने गावासह परिसरात सर्वत्र हळहळ व्यक्त होत आहे.
रवी भाऊराव राऊत वय सुमारे 40 वर्ष रा.घोडदरा असे अपघातात ठार झालेल्या व्यक्तीचे नाव असून आचल व अक्षरा अशी अपघातात किरकोळ जखमी असलेल्या त्यांच्या मुलींची नावे आहे.मुलीची तब्येत ठिक नसल्याने काल ते मुलीनं सह घोडदरा येथुन निघाले होते रात्री ते नातेवाईकांकडे मुक्काम करून आज 19 जुनला सकाळी मुलीला सेवाग्राम येथे रुग्णालयात दाखवायला जाणार होते.
पण त्यांच्या वेळे आधीच अपघात झाला यात रवी हे ठार झाले.काल ते घोडदरा येथुन दुचाकीने आपल्या दोन्ही मुलींसह नातेवाईकांकडे जात असताना नागपूर- हैदराबाद महामार्गावरील पिंपरी (पोहना) जवळ रस्त्यावरील खड्डा निदर्शनास न आल्याने खड्ड्यातून त्यांची दुचाकी उसळली.व ते रस्त्यावर कोसळले त्या मुळे त्यांच्या डोक्याला गंभीर मार लागल्याने ते घटनास्थळीच ठार झाले.
तर त्यांच्या दोन्ही मुली किरकोळ जखमी झाल्या.हा अपघात होताच रस्त्यावरून ये-जा करणाऱ्या नागरिकांनी त्यांना प्रथम उपचारासाठी वडनेर येथील ग्रामीण रुग्णालयात दाखल केले.असुन आचल व अक्षरा त्यांच्या या दोन्ही मुलींची प्रकृती बरी असल्याची माहिती आहे.
मृत रवी यांचे पश्चात आई,वडील,पत्नी व चार मुली असा आप्त परिवार आहे. त्याचे असे अवेळी जग सोडून गेल्याने परिसरात हळहळ व्यक्त होत आहे.