14 वर्षाखालील वयोगटात मिळवले यश.
विदर्भ एस पि न्युज नेटवर्क:- मारेगांव,
तालुकास्तरीय क्रीडा स्पर्धामध्ये हटवांजरी येथील जीवनविकास माध्य.व उच्च माध्यमिक विद्यालयाने मुलांच्यातसेच मुलींच्या 14 वर्षे वयोगटामध्ये विजेतेपद पटकावले.त्यामुळे या संघावर सर्वत्र अभिनंदनाचा वर्षाव होत आहे.
मारेगाव तालुक्यातील नवरगाव येथे दि.20 सप्टेंबर पासून तालुकास्तरीय क्रीडा स्पर्धाना सुरवात झाली.विद्यार्थ्यांना शारीरिक स्वास्थ्यासोबतच मानसिक स्वास्थ्यही मिळावे या उद्देशाने नवरगाव येथे क्रीडा स्पर्धा घेण्यात येत आहे. खेळ खेळल्याने मनुष्यामध्ये धैर्य,सहनशीलता आणि मानवी गुणांचा विकास होतो.
तालुका क्रीडा संयोजक बंडू काकडे सर व मुख्याध्यापक सुधाकर काळे सर यांच्या मार्गदर्शनाखाली नवरगाव येथे सामन्यांना सुरवात झाली. या स्पर्धेचे उदघाटन ए.पी. विराणी,कार्यकारी अध्यक्ष,पंचशील विद्यालय नवरगाव यांच्या हस्ते करण्यात आले.
स्पर्धेमध्ये जीवनविकास माध्य.व उच्च माध्य.विद्यालय, हटवांजरी विद्यालयाने कबड्डीमध्ये ( 14 वर्षे वयोगट ) मुलाच्या संघाने अंतिम सामन्यात पंचशील विद्यालयावर तर मुलीच्या संघाने अंतिम सामन्यात भारत विद्या मंदिर कुंभा संघावर मात करीत दोन्ही हटवांजरी च्या संघांनी तालुका स्तरीय विजेता ठरत जिल्हास्तरीय स्पर्धेसाठी पात्र ठरली.
विद्यार्थीवर्ग,क्रीडा शिक्षिका मोघे मॅडम व विद्यालयीन कर्मचारी यांनी अथक परिश्रम घेतले. संस्थाअध्यक्ष मा.कुंदनकुमार महाजन, सचिव सौ.स्वाती महाजन,क्रीडा सयोंजक बंडु काकडे सर व मुख्याध्यापक मुकेश महाडुळे यांनी विद्यार्थ्यांचे अभिनंदन केले व पुढील जिल्हास्तरीय स्पर्धांसाठी शुभेच्छा दिल्या.