कोलगाव येथील घटना
गजानन आसुटकर मारेगाव,
मारेगाव तालुक्यातील कोलगाव येथे एका शेतकरी पुत्राने वडिलांच्या नावाने असलेल्या शेतातील झाडाला दोराच्या सहाय्याने गळाफास घेवुन आत्महत्या केली. सदर घटना आज दिनांक 22 डिसेंबर 2023 रोज शुक्रवारला सकाळी 11 वाजताच्या सुमारास उघडकीस आली.
तालुक्यातील कोलगाव येथील शेतकरी पुत्र प्रदिप नानाजी अवताडे वय 38 वर्ष रा कोलगाव हा आपल्या कुटुंबासह कोलगाव येथे राहायचा.वडिलांच्या नावाने असलेल्या 7.5 एकर शेतीवर उपजीविका करुण आपल्या कुटुंबाचा उदरनिर्वाह करत होते.आज सकाळी घरी शेतामध्ये जातो असे सांगून ते घरून निघून गेले.
शेतात गेल्यावर त्यांनी शेतातील एका झाडाला दोराच्या सहाय्याने गळाफास घेवुन प्रदीप यांनी आत्महत्या केली कुटुंबातील काही सदस्य शेतात गेले असता सादर घटना उघडकीस आली असुन त्याच्या आत्महत्येचे कारण अस्पष्ट असून त्याच्या पाठीमागे आई – वडील,पत्नी, दोन मुली असा बराच मोठा आप्त परिवार आहे. सदर घटनेने गावात हळहळ व्यक्त होत आहे.या घटनेच्या पुढील तपास मारेगाव पोलीस करत आहे.