तालुक्यातील इतर ठीकाणच्या तस्करांच्या मुसक्या कधी आवरणार ?
उपसंपादक झरी (जामनी) ज्ञानेश्वर आवारी
[88059 79173]
झरी जामणी तालुक्यात अवैध रेती तस्करी रात्रंदिवस चालू असून शनिवार व रविवारी सुट्टी चा फायदा तालुक्यातील रेती तस्कर घेत असून आज रोजी तहसीलदार महेश रामगुंडे रविवारी पाटण परिसरात फिरस्ती दौऱ्यामध्ये असताना झरी पाटण चौफुली जवळ रेतीने भरलेला ट्रक आढळून आला.
ट्रक ड्रायव्हर शेख जावेद यास रॉयल्टी बाबत विचारणा केली असता रायल्टी दाखवू शकला नाही तेव्हा सदर ट्रक शेखर बोनगींवार यांचा असल्याची माहिती ट्रक ड्रायव्हर यांनी दिली असून सदर ट्रकमध्ये दोन ब्रास रेती असल्याचे आढळले सदर ट्रक क्रमांक एम एच २९ बी एफ ५१०५ रेती भरलेल्या ट्रकचा पंचनामा मंडल अधिकारी उल्हास निमेकर व मंडळ अधिकारी आर व्ही राऊत यांनी करून सदर ट्रक पोलीस स्टेशन पाटण येथे लावण्यात आला.
रेती भरलेला ट्रक ठाणेदार संदीप पाटील यांचे कडे सोपविण्यात आला या कार्यवाहीमुळे रेती तस्करांचे धाबे दणाणले आहे.या प्रमाणे कार्यवाही मुकुटबन मांगली,सिंधी – वाढोणा,खातेरा,येळद,मांडवी, दुर्भा,माथार्जुन कमळवेल्ली, निमणी,कायर ‘परिसरात रेती तस्करांच्या मुस्क्या आवरण्यासाठी पोलीस प्रशासन व महसूल प्रशासन संयुक्त रित्या कार्यवाही करण्याची गरज आहे.