एकुण १,३०,२७०-/ रुपये किंमतीचा मुद्देमाल जप्त
उपसंपादक झरी (जामनी) ज्ञानेश्वर आवारी
[88059 79173]
झरी जामणी दि.३१/१२/२०२३ रोजी पोलीस स्टेशन पाटण येथे हद्दीत ग्राम कोडपाखींडी शिवारात व पोलीस स्टेशन पाटण व मारेगाव यांच्या हद्दीलगतच्या ग्राम पाचपोहर शिवारातील घनदाट जंगलाच्या परीसरात कोंबड्यांच्या झुंजीवर पैशाची बाजी लावुन हारजितचा जुगार खेळ ( कोंबडबाजार) सुरू असल्याची माहिती पाटण पोलीस स्टेशनला मिळाल्यावरुन ठाणेदार संदीप पाटील व पोलीस स्टाफ यांनी दोन पथके तयार करून हद्दीत कारवाई करीता रवाना झाले.
एक पोलीस पथक पाचपोहर जंगल परीसरात गेले असता ,काही इसम हे कोंबड्यांच्या पायाला लोखंडी काती बांधून कोंबड्यांचा आपआपसात झुंजी लावुन त्यावर पैशांचा जुगार लावत खेळ खेळवितांना दिसुन आल्याने पोलीसांनी त्या ठिकाणी छापा कार्यवाही करुन ०५ संशयित आरोपींना मोक्यावर ताब्यात घेतले त्यात नामे १) बाबाराव भिमराव गेडाम रा.भुताईपुर २) मारोती भिमराव आत्राम रा.आंबेझरी ३) भिमराव लिंगा मडावी रा.शिबला ४) सिंगटराव सोमजी मरस्कोल्हे रा.शिबला ५) रामजी लखमा टेकाम रा. पाचपोहर असे मिळुन आले व ईतर लोक हे पोलीस आल्याची चाहुल लागताच जंगलाचा फायदा घेवुन पळुन गेले.पोलीसांनी मिळुन आलेल्या लोकांची झडती घेवून त्यांच्याकडून रोख रक्कम, तीन जिवंत कोंबडे, लोखंडी काती व दोन मोटारसायकली असा एकुण १,२४,५८०/- रुपये किंमतीचा मुद्देमाल हस्तगत केला.
त्याचप्रमाणे दुसऱ्या पोलीस पथकाने कोडपाखींडी शिवारात चालु असलेल्या कोंबड्यांच्या झुंजीवर कारवाई करण्यासाठी जावुन तीन संशयित आरोपी नामे १) प्रदीप दिलीप तलांडे रा.झरी २) प्रविण बापुराव टेकाम रा.मांडवा ३) रूपेश देवराव मेश्राम रा.बोटोनी यांना पकडले व त्यांच्या ताब्यातुन रोख रक्कम,दोन जिवंत कोंबडे व लोखंडी काती असा एकुण ५६९०/- रुपये किंमतीचा मुद्देमाल जप्त केला.
या दोन्ही रेड मधील एकुण 08 आरोपी , 05 कोंबडे, काती व 02 मोटारसायकली असा एकुण १,३०,२७०/- रुपये किंमतीचा मुद्देमाल जप्त करून आरोपींसह पाटण पोलीस ठाण्यात आणुन आरोपींविरुद्ध दोन वेगवेगळे गुन्हे दाखल करण्यात आले आहेत.
सदरची कारवाई पोलीस अधिक्षक यवतमाळ डॉ.श्री.पवन बन्सोड साहेब,अप्पर पोलीस अधिक्षक,यवतमाळ श्री पियुष जगताप साहेब, उपविभागीय पोलीस अधिकारी वणी श्री गणेश किंद्रे साहेब यांच्या .मार्गदर्शनात पोलीस स्टेशन पाटणचे ठाणेदार सपोनि संदिप पाटील,पोलीस अंमलदार रतीष वानखेडे,अमित पोयाम,प्रशांत तलांडे,संदिप नामेकर,राहुल बोंडे, संदिप सोयाम,नरेश गोडे,सुरेश राठोड, उमेश डोंगरे यांनी केली आहे.