पाच नगरसेवकांचा कांग्रेसला राम राम
उपसंपादक झरी (जामनी) ज्ञानेश्वर आवारी
[88059 79173]
झरी जामणी नगर पंचायत शिवसेना व स्थानिक आघाडीची हात मिळवून सत्ता स्थापन केली केली आहे.परंतु विकासाच्या मुद्यावरून सत्ताधारी गटातील तीन तर कॉग्रेसच्या पाच नगरसेवकांनी भाजप मध्ये प्रवेश केला आहे.राजकीय वर्तुळात खळबळ उडाली आहे.
कॉग्रेसच्या चिन्हावर निवडणून आलेले दिनेश जयस्वाल , वैशाली भोयर,सोनाली सोयाम,प्रभाकर किनाके आणि स्थानीक आघाडी ( जंगोम दल )चे ज्ञानेश्वर कोडापे उपनगराध्यक्ष व अनिल आत्राम,सिमा मंडाळे तसेच अपक्ष निवडून आलेले नगरसेवक श्रीराम मेश्राम निवडणूकी नंतर कॉग्रेस मध्ये प्रवेश केला होता.या सर्वांनी आमदार संजीवरेड्डी बोदकुरवार यांच्या कार्यालयात भारतीय जनता पक्षात प्रवेश केला आहे.२०२२ मध्ये झालेल्या निवडणुकीत भाजपला एकाच जागेवर विजय मिळाला होता.परंतु आता भाजपकडे नऊ नगरसेवक झाले आहे.
१९ जानेवारी २०२२ नगर पंचायत च्या १७ जागेसाठी निवडणूक घेण्यात आली होती त्यावेळी कॉग्रेसचे ५, शिवसेना ५ , स्थानिक आघाडी ४ , भाजप १ , मनसे १ आणि अपक्ष १ असे संख्याबळ होते.मात्र आता या नगरसेवकाच्या प्रवेशाने भाजपकडे नऊ नगरसेवक झाले असून मनसेच्या एका नगरसेवकाचा बाहेरून पाठिंबा मिळाला असल्याने झरी नगर पंचायत मध्ये मोठा सत्ता बदल होण्याची शक्यता आहे . आगमी लोकसभा व विधानसभा निवडणूक समोर स्थानिक स्वराज्य संस्थेमध्ये होणारा सत्ता बदल विरोधकां पुढे मोठे आवाहन ठरणार आहे .