रुग्णवाहिकेचा होणार मारेगावकरांसह तालुक्यातील जनतेला मोठा फायदा
सुरेश पाचभाई मारेगाव,
मारेगांव : येथील साई मित्र परिवारातर्फे स्थानिक मार्डी चौक येथे आज दिनांक २२ जानेवारी २०२४ रोज सोमवारला सायंकाळी ७ वाजता रुग्णवाहिकेचा लोकार्पण सोहळा संपन्न झाला असून मारेगावकरान सह तालुक्यातील जनतेसाठी याचा मोठा फायदा होणार आहे.
आज अयोध्येतील – नवनिर्मित प्रभु श्रीराम मंदिरात रामलल्ला यांचा प्राणप्रतिष्ठा सोहळ्याचे औचित्य साधून शहरासह तालुक्यातील गरजू रुग्णांच्या सेवेत सर्व सुविधापूर्ण २४ तास सेवेत राहणारी रुग्णवाहिकेचे लोकार्पण सोहळा साई मित्र परिवार सदस्यांच्या उपस्थितीत मार्डी चौक येथे आज दिनांक २२ जानेवारी २०२४ रोज सोमवारला सायंकाळी ७ वाजता मोठ्या उत्साहात संपन्न झाला.
शहरासह तालुक्यातील नागरिकांच्या सेवेत एक रुग्णवाहिका असावी यासाठी साई मित्र परिवाराच्या सदस्यांनी कुठल्याही राजकीय पुढाऱ्यांना वर्गणी न मागता स्वतः च्या परीने होईल ते पैसे नवीन रुग्णवाहिकेसाठी देवून तालुयातील नागरिकांना वेळेवर जिल्हा रुग्णालयात पोहोचून आपले अमूल्य जीव वाचविता यावे यासाठी ही रुग्णवाहिका उपलब्ध करून देण्यात आली आहे.
शासनाकडून उपलब्ध असलेली रुग्णवाहिका आपत्कालीन परिस्थितीमध्ये उपलब्ध होऊ शकत नसल्याने अपघातग्रस्त, गंभीर आजारी, श्वान, सर्पदंश, वन्य प्राण्यांचा हल्ला इत्यादी झालेले रुग्णांना अव्वाच्या सव्वा दराने कुठल्याही वैद्यकीय सोयी नसलेल्या खाजगी वाहनांद्वारे जीव धोक्यात घालून जिल्ह्याच्या ठिकाणी न्यावे लागते.
ज्यामध्ये बरीच जीवितहानी सुद्धा तालुक्यातील नागरिकांना मागील अनेक वर्षांपासून सोसावी लागलेली आहे. उपरोक्त सर्व बाबींचा सारासार विचार करून साई मित्र परिवाराच्या सदस्यांच्या प्रयत्नाने नागरिकांचा जिव वाचविणार आहे.या उपक्रमाचे कौतुक होत आहे.