सुरेश पाचभाई मारेगाव,
मारेगाव तालुक्यातील म्हैसदोडका येथे दि.२२ जानेवारी रोजी प्रभुश्रीराम जन्म भुमी अयोध्या येथे प्रभु श्रीराम प्राणप्रतिष्ठापना निमित्ताने म्हैसदोडका गावात माझ गाव माझी अयोध्या अस समजून धार्मिक वातावरणात कार्यक्रम करण्यात आला.
यात पहाटे ५ वा. सामुदायिक ध्यान प्रार्थना घेण्यात आली तसेच सामुदायिक ध्यान प्रार्थना मधील स्वयंसेवकांनी मंदिर तसेच ग्राम स्वच्छता केली.तसेच श्रीराम प्रातिष्ठापणा निमंत्रण म्हणून सर्वांना पवित्र अक्षद देण्यात आल्या होत्या त्या अक्षद सर्वांनी मंदिरात दर्शन घेऊन ठेवल्या त्यानंतर दुपारी १२ वा. हनुमान मंदिर मध्ये भजन व राम नाम जप करण्यात आले तसेच दुपारी ३ वाजता महाप्रसादाचे आयोजन करण्यात आले होते.
सायंकाळी ५ वा.सर्व घरातुन रामाच्या नावाने एक दिवा म्हणून सर्वांनी मंदिरात दिवे लावले त्यात जय श्रीराम असे दिव्याने लिहुन अनोखा प्रसंग म्हैसदोडका गावाने अनुभवला तसेच प्रत्येक घरी रांगोळी व दिवे तसेच भगवे झेंडे लावून घर सजविण्यात आले. मानव सृष्टीतील हि सामुहिक दिवाळी पहिल्यांदाच श्रीराम प्रातिष्ठापणा दिवसी गावात झाली याचा आनंद सर्वांना झाला.
श्रीराम हे हिंदुंचे दैवत असुन हा आस्थेचा भाग होता असे ग्रामस्थांनी सांगितले तसेच भक्तीमय वातावरणात गावात सायंकाळी ६ वा आरती करुन शोभायात्रा काढण्यात आली.तसेच रात्री ९ वाजता आरती करुन कार्यक्रमाची सांगता करण्यात आली.