बोटोणी ते मारेगाव १२ किमी अंतर स्केटिंग
‘ बेटी बचाओ बेटी पढाओ ‘ चा देणार संदेश
सुरेश पाचभाई मारेगाव,
मारेगाव तालुक्यातील बोटोणी येथील छोट्याशा गावातून झेप घेणारी मनस्वी विशाल पिंपरे ही पुन्हा एक विक्रम करणार आहे ‘बेटी बचाओ,बेटी पढाओ’ हा संदेश देण्यासाठी उद्या दिनांक २६ जानेवारी २०२४ रोज शुक्रवारला सकाळी ८ वाजताच्या सुमारास बोटोणी ते मारेगाव हे १२ किमी अंतर रॅलीद्वारे स्केटिंग पूर्ण करणार आहे.
प्रजासत्ताक दिनाचे औचित्य साधून बोटोनी ते मारेगाव राज्य महामार्गाने ‘ बेटी बचाओ बेटी पढाओ ‘ हा नारा देत जनजागृती करणार आहे. सुमारे ९ वाजेपर्यंत ती स्केटिंग पुर्ण करत मारेगाव येथील तहसील कार्यालयात पोहोचणार आहे.
आयोजक छत्रपती युवा शक्ती प्रतिष्ठान,बजरंग दल,श्री गुरुदेव सेवा मंडळ आणि तथागत युवा मंडळ बोटोणी असुन या रॅलीत सर्वांनी सहभागी होण्याचे आवाहन बोटोणी ग्रामवासियांतर्फे करण्यात आले आहे.