महसूल विभागाची अवैध रेतीच्या ट्रकवर महादापेठ येथे धडाकेबाज कारवाई
सुरेश पाचभाई मारेगाव,
बोरी गदाजी मार्गाने रेतीची तस्करी करीत असलेल्या ट्रकवर मारेगाव महसूल विभागाने धडाकेबाज कारवाई केली.तालुक्यातील महादापेठ येथे ही कारवाई करण्यात आली. त्यामुळे रेती तस्करांमध्ये भीतीचे वातावरण पसरले आहे.
मारेगाव तालुक्याला समृद्ध असा वर्धा नदीचा किनारा लाभला आहे. त्यामुळे या वर्धा नदीच्या मार्गाने मोठया प्रमाणावर रेतीची तस्करी होत असते.आजपर्यँत अनेक रेती तस्करांवर कारवाई सुद्धा झाली.परंतु रेतीची अवैध वाहतूक मात्र बंद झालेली नाही.अशातच आज मंगळवारला रात्री 8:16 वाजताच्या सुमारास ट्रक वाहनाने हे गोरखधंदे करीत असल्याने सातत्याने महसूल विभाग त्यांच्या कायम मागावर होते.
आज रात्री तहसीलदार उत्तम निलावाड यांच्या मार्गदर्शनात महसूल पथक रेती तस्करांच्या मागावर असतांना रेती भरलेला ट्रक बोरी गदाजी ते करणवाडी कडे मार्गाने रेती भरून येणारा हायवा (MH-36 1675) हे अवैध वाहन महादापेठ येथे पकडण्यात आले. पंचनामा करून दंडात्मक कारवाई साठी ताब्यात घेतलेला ट्रक तहसील कार्यालयात येथे जमा करण्यात आल्याची माहिती आहे. ही कार्यवाही उत्तम निलावाड तहसीलदार मारेगांव,भगत नायब तहसीलदार,रघुनाथ कांडाळकर मंडळ अधिकारी आणि विजय कनाके वाहन चालक यांनी केली.