सुरेश पाचभाई मारेगाव,
माध्यमिक तथा उच्च माध्यमिक शिक्षकांची क्षमता वाढीस लागावी याउद्देशाने मारेगाव येथील स्व.चिंधुजी पुरके आश्रम शाळेमध्ये प्रशिक्षणाला सुरुवात झाली.
कालानुरूप शैक्षणिक धोरणामध्ये बदल करावे लागतात त्याच अनुषंगाने 2020 पासून नवीन शैक्षणिक धोरण ठेवण्यात येत आहेत आणि त्याचाच भाग म्हणून माध्यमिक व उच्च माध्यमिक शिक्षक क्षमता वृद्धी तालुकास्तरीय प्रशिक्षण दिनांक 4 मार्च पासून ते 6 मार्च पर्यंत ठेवण्यात आलेले आहे. राष्ट्रीय शैक्षणिक धोरण 2020 या धोरणाला 29 जुलै 2020 ला कॅबिनेटचे मान्यता मिळाली.
एकूण 4 सत्रामध्ये या प्रशिक्षणाला सुरुवात झाली.प्रथम सत्र संजय मोघे, द्वितीय सत्र लक्ष्मीबाई मोघे विद्यालयाचे मुख्याध्यापक एस.एन. नहाते,तृतीय सत्र जयश्री राजुरकर तर चतुर्थ सत्र हे बंडू काकडे यांनी सादर केले.यावेळी राष्ट्रीय शैक्षणिक धोरण 2020,अध्यापनातील नवकल्पना, राष्ट्रीय अभ्यासक्रम आराखडा आणि क्षमता आधारित मूल्यमापन या विषयावर या चारही मार्गदर्शकांनी उपस्थित सर्व शिक्षकांना मार्गदर्शन केले.यावेळी बी.आर.सी.चे निलेश आत्राम आणि किरण हिवराळे यांनी सहकार्य केले.प्रशिक्षणाला तालुक्यातील सर्व शाळांचे शिक्षक उपस्थित होते.