मारेगाव येथे भव्य सत्कार
सुरेश पाचभाई मारेगाव
मारेगाव तालुक्यातील एका छोट्याशा गावातील शेतकऱ्याच्या मुलाची पोलीस उपनिरीक्षक पदी नियुक्ती झाली.त्यामुळे या सुपुत्राचे मारेगाव शहरात ढोल ताशाच्या गजरात मिरवणूक काढून स्वागत करण्यात आले.
तालुक्यातील छोटेसे गाव गौराळा. येथील सुपुत्र प्रफुल प्रभाकर भोयर यांची पोलीस उपनिरीक्षक (PSI) पदी निवड झाली. प्रफुलचे वडील शेतकरी आहे. त्यांच्याकडे 6 एकर शेती आहे.नुकतीच प्रफुलची पोलीस उपनिरीक्षक म्हणून नियुक्ती झाल्याचे पत्र आले.हे पत्र येताच कुटुंबियांना फार आनंद झाला.दिनांक 3 ऑगस्ट 2024 रोज शनिवारला मारेगाव शहरांमध्ये दुपारी एक वाजता प्रफुलचे मारेगाव शहरात आगमन होताच बस थांब्यापासून भव्य रॅली काढण्यात आली.
ही रॅली डॉ .बाबासाहेब आंबेडकर यांच्या पुतळ्याला हार अर्पण करून पोलीस स्टेशन समोरील भगतसिंग,भगवान बिरसा मुंडा व क्रांतिवीर बापुराव शेडमाके यांच्या प्रतिमेला हार अर्पण करून ही रॅली भारतीय स्टेट बँकेकडे निघाली.यावेळी मारेगाव तसेच परिसरातील मित्रमंडळी,विद्यार्थ्यांनी आणि नागरिकांनी त्याचे मारेगाव नगरीमध्ये भव्य स्वागत केले.