१६५ प्रकरणाचा निपटारा ५ लाख ५ हजार ११२ रक्कमेची वसुली
ज्ञानेश्वर आवारी झरी जामणी,
झरी जामणी:-महाराष्ट्र विधी सेवा प्राधीकरणाअंतर्गत राष्ट्रीय लोकअदालत चे दि.२८.०९.२४ रोजी आयोजन केले होते त्यावरून जिल्हा विधी सेवा प्राधीकरण यवतमाळ अंतर्गत झरीजामणी येथील दिवाणी व फौजदारी न्यायालयात राष्ट्रीय लोकअदालत आयोजित केली होती सदर लोक अदालतमध्ये न्यायालयातील दाखल वाद प्रकरणे व तालुक्यातील ग्रामपंचायतीचे कर प्रकरण,भारतीय स्टेट बँक, बँक ऑफ महाराष्ट्र, विदर्भ कोकण ग्रामीण बँक, रंगनाथ स्वामी सहकारी पतसंस्था, विज वितरण कंपनीचे वादपुर्वक खटले ठेवण्यात आले होते.
लोक अदालत मध्ये भाऊ बहीणीची शेतीचा वाद मिटविण्यात आले आहे यातील बहीण ही अपंग व लकवा मारलेली असल्याने ती अँटोत बसुन न्यायालयाचे आवारापर्यंत आली होती तीला चालता येत नसल्याने पँनल समिती स्वतः अँटोपर्यंत जावुन बहीण भावाचा वाद मिटविला आहे तसेच सदर लोकअदालतीमध्ये एकुण १६५ प्रकरणाचा निपटारा होवून एकुण रक्कम ५०५११२/- ची वसुली झाली आहे.
लोकअदालतीमध्ये पँनल प्रमुख म्हणून दीवानी न्यायाधीश एस.एस.काळे व पँनल सदस्य म्हणून अँड.व्ही.आर.मदीकुंटावार हे होते तसेच अँड.दिपक काटकर,ॲड .बोथले व न्यायालयीन कर्मचारी सहा.अधिक्षक शिरसाट व कर्मचारी तिरपुडे,पौनीकर,दोहतरे, मुंडे, राळे,आडे, जुनघरे, प्रकाश बेरेवार यांनी काम पाहिले.