सुरेश पाचभाई मारेगाव
घरासमोरील जनावराच्या गोठ्यात कीटकनाशक प्राशन करून एका युवा अल्पभूधारक शेतकऱ्याने आत्महत्या केल्याची घटना तालुक्यातील कोलगाव येथे घडली.
विशाल अरविंद अवताडे अंदाजे वय 28 वर्ष असे आत्महत्या केलेल्या युवा शेतकऱ्याचे नाव असून तो मारेगाव तालुक्यातील कोलगाव येथील राहिवासी होता.
विशाल यांच्या नावाने 3 एकर शेती असल्याची माहिती आहे.तो शेती करून आपल्या कुटुंबाचा उदरनिर्वाह करायचा.त्याने काल दिनांक 15 ऑक्टोंबर 2024 रोज मंगळवारला सायंकाळच्या सुमारास घरासमोरील जनावराच्या गोठ्यात विषारी कीटकनाशक प्राशन केले.कुटुंबियांनाही ही बाब 8 वाजताच्या दरम्यान लक्षात आली.
कुटुंबातील सदस्यांनी त्याला लगेच मारेगाव येथील ग्रामीण रुग्णालयात दाखल केले. तेथे त्याच्यावर प्राथमिक उपचार करून पुढील उपचारासाठी यवतमाळ येथे स्थलांतरित करण्यात आले.
पण उपचारादरम्यान मध्यरात्रीच्या सुमारास त्याची प्राणज्योत मालवली.मृतक विशाल यांचे पश्चात आई,वडील, एक भाऊ, एक विवाहित बहीण असा आप्त परिवार आहे. विशाल या युवा शेतकऱ्याच्या आत्महत्येने गावात हळहळ व्यक्त केली जात आहे. त्याच्या आत्महत्येचे नेमके कारण कडू शकले नाही या घटनेचा पुढील तपास मारेगाव पोलीस करीत आहे.