सुरेश पाचभाई मारेगाव
“पोलीस रेझिंग डे “निमित्ताने मारेगाव पोलीस स्टेशनमध्ये कला वाणिज्य व विज्ञान महाविद्यालयातील विद्यार्थ्यांना पोलिस निरीक्षक यांनी शस्त्र तसेच दैनंदिन कामकाजाविषयी माहिती देऊन अवगत केले.
आज पोलीस रेझिंग डे. सर्वांना सर्वतोपरी सुरक्षा पुरवून सगळीकडे शांतता ठेवण्याचे काम पोलीस विभागाकडून केले जाते.पोलीस रेझिंग डे निमित्ताने मारेगाव पोलीस स्टेशन येथे कला वाणिज्य व विज्ञान महाविद्यालयातील विद्यार्थ्यांना पोलीस स्टेशनचे चालणारे दैनंदिन काम,पोलीस स्टेशनला असलेले शस्त्र, महिलांविषयी तसेच सायबर क्राईम विषयी विद्यार्थ्यांना मार्गदर्शन करण्यात आले.
विद्यार्थी जीवनात विद्यार्थ्यांना येणाऱ्या समस्या याबाबत सुद्धा विद्यार्थ्यांकडून माहिती मागून घेऊन त्यांना पोलीस निरीक्षक संजय सोळंखे यांनी मार्गदर्शन केले.यावेळी कला वाणिज्य व विज्ञान महाविद्यातील विद्यालयातील विद्यार्थी कॉलेजचे प्राध्यापक तसेच पोलीस स्टेशन मधील कर्मचारी मोठ्या संख्येने उपस्थित होते.