अज्ञात कारणे दुचाकीसह युवकांना नेले अर्धा किमी फरफटत
सुरेश पाचभाई मारेगाव
मारेगाव तालुक्यातील बोटोनी येथे अज्ञात वाहनाने दुचाकीला जबर धडकदेत सुमारे अर्धा किलोमीटर दुचाकी फरफटत नेल्याची घटना आज दिनांक 29 मार्च 2025 रोज शनिवारला सायंकाळी 6:30 वाजताच्या सुमारास घडली. यामध्ये दुचाकीस्वार दोन तरुण गंभीर जखमी झाले आहे.
घोगुलधरा कडून बोटोनी कडे येणाऱ्या दुचाकीला वणीकडून येणाऱ्या भरधाव कारने जबर धडक देऊन अक्षरशः अर्धा किलोमीटर अंतर मोटरसायकल सह फरफटत नेले. बोटोनी येथील सराटी रस्त्याजवळ असलेल्या गतिरोधक जवळ दुचाकी कार मधून निघाली आणि भरधाव कार चालक पळून जाण्यात यशस्वी झाला.
सदर कार मध्ये दुचाकी अडकून असल्यामुळे घर्शनाने आग निघत होती.असे प्रत्यक्षदर्शीनी सांगितले. यामध्ये दुचाकीस्वार सतीश झिंगू आत्राम वय अंदाजे 35 वर्षे ,निलेश तुकाराम टेकाम वय अंदाजे 21 वर्षे रा.वाघदरा (वसंतनगर) ता.मारेगाव असे गंभीर जखमी झालेल्या तरुणांची नावे आहेत.
अपघाताची माहिती होताच रस्त्याने ये – जा करणाऱ्या नागरिकांनी व गावातील काही नागरिकांनी दोन्हीही जखमी तरुणांना करंजीला प्राथमिक आरोग्य केंद्रात प्रथम उपचारासाठी दाखल केले.पण तेथील डॉक्टरांनी प्राथमिक उपचार करून त्यांना पुढील उपचारासाठी यवतमाळ येथे रेफर केल्याची माहिती मिळाली आहे. सदर अपघाताचा पुढील तपास मारेगाव पोलीस करीत आहे.