नवरगाव शेत शिवारातील घटना.
मारेगांव तालुका प्रतिनिधी:-गजनान देवाळकर
[8888721480]
मारेगाव : तालुक्यातील नवरगाव शेतशिवारातील एका शेतकऱ्याच्या शेतामध्ये मोटारचे पंपाची लाईन दुरूस्तीचे काम करत असताना इलेक्ट्रिक करंट लागल्याने एका खाजगी लाईनमनचा दुर्दैवी मृत्यू झाला, ही घटना काल दिनांक 4 नोव्हेंबर 2022 रोज शुक्रवारी दुपारी 3 वाजताच्या सुमारास नवरगाव येथील शेत शिवारात घडली.
करनवाडी येथे वास्तव्यास असलेला खासगी लाईनमन भाऊराव महादेव आडे वय सुमारे 41 वर्ष हा नेहमी प्रमाणे इलेक्ट्रिक मोटार पंपाचे काम करण्यासाठी नवरगाव येथील एका शेतकऱ्याच्या शेतात काम करत असताना विद्युतचा शॉक लागला व तो खाली कोसळला शेतकऱ्यांचा लक्षात येताच त्यांनी आरडाओरडा केली.आजुबाजूचे शेतकरी जमा झाले व भाऊराव याला लगेच मारेगाव येथील ग्रामीण रुग्णालयात उपचारासाठी दाखल केले.
पण तेथील वैद्यकीय अधिकारी यांनी प्राथमिक उपचार करून पुढील उपचारासाठी त्याला चंद्रपूर येथे हलविण्यात आले. पण वाटेतच त्याच्या मृत्यू झाला.त्याच्या पश्चात पत्नी, एक मुलगा एक मुलगी असा आप्त परिवार आहे, या प्रकरणाचा पुढील तपास ठाणेदार राजेश पुरी यांच्या मार्गदर्शनाखाली मारेगाव पोलिस करत आहे.