राज्यमंत्री संजय बनसोडे यांच्या हस्ते केले सन्मानित.
उपसंपादक झरी (जामनी) ज्ञानेश्वर आवारी
[88059 79173]
झरी जामणी अनुदानित अदिवासी आश्रम शाळा मार्की बु. प येथिल मुख्याध्यापक प्रकाश पाटील यांना त्याच्या उत्कृष्ट कामगिरी बद्दल त्यांना एक वेळी ‘महाराष्ट्र गौरव “व “समाज भूषण’ या दोन्ही पुरस्काराने सन्मानित करण्यात आले आहे.
इंडीयन लटलेंट सर्च च्या वतीने अनुदानित अदिवासी आश्रम शाळा मार्की बु. येथे कार्यरत असलेले मुख्याध्यापक प्रकाश देवराव पाटील यांना दि . १ ऑक्टोबर २०२३ रोजी लातूर येथे आयोजित भव्य समारंभात राज्यमंत्री मा.संजय बनसोडे आणि शिक्षक आमदार विक्रमजी काळे यांचे सन्मान चिन्ह व प्रमाणपत्र देवून प्रदान करण्यात आला.
हा पुस्कार कला,क्रिडा,विज्ञान व सामाजिक क्षेत्रात उल्लेखनीय कामगिरी करणाऱ्या व्यक्तीस दिला जातो.प्रकाश पाटील हे दुर्गम भागातील आश्रम शाळेत कार्यरत असून सुरुवाती पासूनच शाळेचा व तालुक्याचे नाव उंचावण्यासाठी प्रयत्नशील आहेत.आजपर्यन त्यांनी विज्ञान प्रदर्शनी मध्ये २५ वेळा जिल्हा ,७ वेळा राज्य व ३ वेळा राष्ट्रीय स्तरावरील पुरस्कार प्राप्त केले.सौर उर्जेवर चालणारे धान्य स्वच्छता यंत्र,बैलाद्वारे तुषार सिंचन,मिश्रीत धान्य अलग काढाणारे हात यंत्र हे प्रयोग राष्ट्रीय स्तरावर पोहोचले आहेत.
साधी राहणी व उच्च विचारसरणी शिक्षक म्हणून त्यांची जण माणसात ओळख आहे,सामाजिक जाणिवेतून अदिवासी गोरगरीब व्यक्तींना स्वखर्चाने स्वताच्या वाहातून दवाखान्या पर्यन सोडून देतात.आदिवासी व गरिबांना शासकिय योजनांची माहिती देणे.रानटी प्राण्यां पासून पिकांचे नुकसान कमी करता यावे यासाठी परिसरातील शेतकऱ्यांना कमी पैशात झटका मशीन उपलब्ध करून देणे.
हे सामाजिक कार्याचा भाग आहे . अशा बहुआयामी व्यक्तिमत्त्व असलेल्या पाटील यांना महाराष्ट्र गौरव व सामाज भुषण पुरस्कार मिळाल्याबद्दल सर्वच स्तरातून अभिनंदनांचा वर्षाव होत आहे .