– मारेगाव येथील तहसील कार्यालयाजवळील घटना.
विदर्भ एस पि न्युज नेटवर्क:- मारेगांव,
मारेगाव येथे महत्वाच्या कामासाठी आलेल्या एका संस्थेच्या संचालकाला एका अज्ञात वाहणाने जबर धडक देऊन गंभीर जखमी केल्याची घटना आज दि.13 ऑक्टोबर 2023 रोज शुक्रवारला दुपारी 3 सुमारास घडली.अपघातात जखमी झालेल्या त्या संचालकाचे नाव गणूजी देवाजी थेरे वय 65 वर्षे असे असून ते तालुक्यातील पाहपळ येथील राहिवासी आहे.
सविस्तर वृत्त असे की..
मारेगाव कृषी उत्पन्न बाजार समितीचे संचालक गणूजी देवाजी थेरे हे आज काही महत्वाच्या कामासाठी मारेगाव येथे आलेले होते.त्यांनी बाजार समितीमधील काम आटोपले आणि मारेगाव येथील तहसील कार्यालयामध्ये ते काही कामासाठी जात असतांना तहसील कार्यालयाजवळच त्यांच्या दुचाकीला एका अज्ञात दुचाकीने जबर धडक दिली व पसार झाला.
यात त्यांच्या पायाला व डोक्यालाही जबर मार लागला.अपघात होताच रस्त्यांनी ये-जा करणाऱ्या नागरिकांनी व स्थानिकांनी लगेच घटनेची माहिती मारेगाव पोलिसांना दिली व त्यांना मारेगाव येथेल ग्रामीण रुग्णालयात उपचारासाठी दाखल केले.त्याची प्रकृती गंभीर असल्याने डॉक्टरांनी प्राथमिक उपचार करून त्यांना पुढील उपचारासाठी चंद्रपूर येथे रेफर केल्याची केल्याची माहिती आहे.या प्रकरणाचा पुढील तपास मारेगाव पोलीस करत आहे.