विदर्भ एस पि न्युज नेटवर्क:- मारेगांव,
स्थानिक कला, वाणिज्य व विज्ञान महाविद्यालय, मारेगाव येथील शारीरिक शिक्षण विभागाद्वारे मारेगाव शहरामध्ये प्रथमच पुरुषांच्या विद्यापीठस्तरीय अंतर महाविद्यालयीन कबड्डी स्पर्धेचे यशस्वी आयोजन करण्यात आले होते.
दि.16 ते 18 ऑक्टोबर दरम्यान घेण्यात आलेल्या सदर स्पर्धेमध्ये एकूण 36 संघांनी सहभाग नोंदवला,ज्यामध्ये अंतिम सामना इंदिरा महाविद्यालय,कळंब विरुद्ध श्री.धाबेकर कला महाविद्यालय,खडकी (अकोला) यांच्यामध्ये खेळवण्यात आला, यात श्री.धाबेकर महाविद्यालयाने बाजी मारली.स्पर्धेच्या समारोपीय समारंभामध्ये महाविद्यालयाचे प्राचार्य डॉ. अविनाश घरडे सर यांच्या हस्ते विजेत्या संघास विजय चषक देऊन संघास गौरविण्यात आले.
समारोपीय समारंभामध्ये महाविद्यालयाचे प्राचार्य डॉ.अविनाश घरडे सर बोलत असताना म्हणाले व्यक्तिमत्व घडवण्यात मैदानी खेळांचे आत्यंतिक महत्व आहे.आत्मसात केलेले कौशल्य दाखवण्याची संधी खेळाडूंना स्पर्धेतून मिळते.त्यासाठी क्रीडा स्पर्धांचे आयोजन व नियोजन खूप महत्वाचे आहे. हे तंत्र क्रीडा विभागाने अत्यंत कुशलतेने हाताळले तसेच स्पर्धेत भाग घेणारे संघ ,त्यांचे खेळाडू ,उपलब्ध वेळ,साधनसामग्री इत्यादीचा विचार व स्पर्धेच्या अनेक पद्धती यांची सांगड घालून स्पर्धा नियोजनपूर्वक यशस्वीपणे राबविण्याचे सर्व श्रेय महाविद्यालयातील शारीरिक शिक्षण विभागाचे प्रा.डॉ.नितेश राऊत व इतर सर्व प्राध्यापक तसेच शिक्षकेतर कर्मचाऱ्यांना जाते.
विविध महाविद्यालयातून स्पर्धेत सहभागी झालेल्या संघाच्या शारीरिक शिक्षण संचालकांनी महाविद्यालयाने आयोजित केलेल्या विद्यापीठ स्तरीय कबड्डी स्पर्धेविषयी बोलत असताना म्हणाले राहण्याची व जेवणाची सुविधा अत्यंत सुंदरपणे करण्यात आली व अशा स्पर्धा वारंवार महाविद्यालयात घेण्यात याव्यात आणि याचे सर्व श्रेय महाविद्यालयाचे प्राचार्य यांना जाते.
सदर स्पर्धा नियोजित वेळत पार पडण्यास पंच म्हणून निलेश झाडे, सतीश तेडेवार,निलेश तारक, किरण मडावी यांनी महत्वाची भूमिका पार पाडली व महाविद्यालयाद्वारे त्यांचा सन्मान करण्यात आला.
महाविद्यालयाचे प्राचार्य डॉ.अविनाश घरडे सर यांच्या मार्गदर्शनातून सदर स्पर्धा अत्यंत चोखपणे यशस्वीरित्या पार पडली व सदर स्पर्धेस मारेगाव वासियांनी भरभरून प्रतिसाद दिला तसेच क्रीडा विभागातील विद्यार्थ्यांची मेहनत कामी आली.