गरीब विधवेवर कोसळले दुःख
विदर्भ एस पि न्युज नेटवर्क:- मारेगांव,
शेतामध्ये चरत असलेल्या बैलाचा सर्पदंशाने मृत्यू झाल्याची घटना आज दि.19 ऑक्टोबरला सकाळच्या सुमारास घडली.या घटनेने एका विधवा महिला शेतक-यावर संकट कोसळले आहे.
मारेगाव तालुक्यातील मांगरूळ येथील विधवा महिला श्रीमती शकुंतला माधवराव खडसे यांचे कडे 4 एकर शेती असून या महिलेचा बैल शेतामध्ये चरत होता.त्यावेळी अचानक सापाने बैलाला दंश केला.त्यामुळे बैल जागेवरच दगावल्याने गरीब आणि विधवा असलेल्या या महिलेवर आर्थिक संकट उभे राहिले आहे.
अचानक आलेल्या संकटामुळे या महिला शेतक-यावर शेतीची कामे कशी करावी असा प्रश्न उभा राहिला आहे.बैलाच्या सर्पदंशाने झालेल्या मृत्यूची तक्रार करण्यात आली.लगेचच तलाठी यांनी या घटनेचा पंचनामा करून अहवाल तहसीलदार यांना सादर करण्यात आलेला आहे. बैलाच्या मृत्यूची आर्थिक मदत त्वरित मिळावी अशी मागणी विधवा महिला शेतकरी यांनी केली आहे.