– शेती साहित्य जळून खाक
– शेतकऱ्याचे अंदाजे दोन लाखाचे नुकसान
विदर्भ एस पि न्युज नेटवर्क:- मारेगांव,
घराला लागून असलेल्या गोठ्याला आग लागून
शेतकऱ्याचे अंदाजे दोन लाखाचे नुकसान झाल्याचा अंदाज वर्तवण्यात येत आहे. सुदैवाने घराला आग लागता लागता वाचली.यात शेतकऱ्याचे शेतातील औजार आणि जनावरांचा चाऱ्यासहित दोन लाखाचे नुकसान झाल्याचा अंदाज व्यक्त करण्यात येत आहे.
मारेगाव तालुक्यातील वेगाव येथील शेतकरी उमेश लक्ष्मण कापसे यांच्या घराला लागूनच त्यांचा जनावरे बांधण्याचा गोठा आहे.या गोठ्यामध्ये त्यांचे जनावरे असायची.यात एक गाय, गोऱ्हा आणि कालवड तसेच जनावरांचा चारा,कुटार,शेतीसाठी लागणारे साहित्य,सोबत त्यांची घरची टू व्हीलर सुद्धा त्याच गोठ्यामध्ये ठेवलेली होती.सायंकाळी ते शेतामधून घरी आल्यानंतर त्यांनी आंघोळीसाठी गरम पाणी त्याच गोठ्यामध्ये केले आणि विस्तव पाणी टाकून वीझवला.
पण काल दिनांक 19 ऑक्टोंबर 2023 रोज गुरुवारला रात्री 12 वाजताच्या अचानक आग लागली या आगीमध्ये त्यांच्या गोठ्यातील जनावरांचा चारा जळून खाक झाला.आग लागताच गाय आणि कालवड दावे तोडून ते बाहेर पडले.पण त्या गोठ्यामध्ये असलेली टू व्हीलर,जनावरांचा चारा,कुटार जळले.आणि एक गोऱ्हा भाजला गेला.या आगीने एवढं रौद्र धारण केलं की ती आग गोठ्यातून त्यांच्या घराला लागली.अशातच त्यांच्या घरातील सोफा जळायला लागला.
लगेच घर मालकाच्या ही गोष्ट लक्षात येताच त्यांनी लगेच आग विझण्यासाठी प्रयत्न केला.सोफा बाहेर फेकला,सुदैवाने घरातील सिलेंडर सुद्धा त्यांनी बाहेर टाकले. घरात असलेल्या कापसाला मात्र आग लागली नाही यामुळे तो कापूस वाचला आणि मग लोकांनी आग विझवण्यास मदत केल्यामुळे आगीवर लवकर नियंत्रण आणण्यास मदत झाली. ही आग विझवताना उमेश कापसे यांच्या हातालाही जखम झाली. यात कापसे यांचे अंदाजे दोन लाखांवर नुकसान झाल्याचा अंदाज व्यक्त करण्यात येत आहे.