-मारेगाव येथील तुळशीराम बार समोरील घटना
गजानन आसुटकर मारेगांव,
मारेगाव शहरापासून अवघ्या अर्धा कि.मी अंतरावर असलेल्या तुळशीराम बार जवळ भाविकांचा ऑटो पलटी झाल्याची घटना आज दिनांक 21ऑक्टोंबर 2023 रोज शनिवारला सायंकाळी 6:30 वाजताच्या सुमारास घडली.ऑटोला एक वृध्द आडवे आल्याने हा अपघात झाल्याची माहिती मिळाली आहे.
सविस्तर वृत्त असे की..
सोमनाळा,ता.वणी येथील काही भाविक दि.21 ऑक्टोबरला सायंकाळी 6.30 च्या दरम्यान केळापूर येथील जगदंबेच्या दर्शनासाठी ऑटोने जात होते.मारेगाव येथील वणी-करंजी राज्य महामार्गावरील तुळशीराम बार जवळ एक वृद्ध व्यक्ती ऑटोला आडवा आला.त्यामुळे ऑटो चालकाचे ऑटो वरील नियंत्रण सुटले.वृद्धाला वाचविण्यासाठी ऑटो चालकाने जोराने दोन्ही ब्रेक मारले.त्यामुळे ऑटोने दोन पलटी खाल्या.
यात ऑटो मधील 8 व्यक्ती जखमी झाले असुन चिंतामण कोवे वय सुमारे 75 वर्ष रा.मारेगाव असे ऑटोला आडवे आलेल्या वृद्धाचे नाव आहे.तर अरबाज खान,गीता भंडारकर,आचल आत्राम,पूजा टेकाम,विधी कळसकर,संतोषी चटपलीवार,मनीषा चटपल्लीवार हे सर्व रा. सोमनाळा अशी अपघातात जखमी झालेल्या व्यक्तींची नावे आहेत.
रस्त्यावरून ये-जा करणाऱ्या काही नागरिकांनी सदर घटनेची माहिती मारेगाव पोलीसांना दिली व त्यांना लगेच मारेगाव येथील ग्रामीण रुग्णालयात दाखल केले तेथील डॉक्टरांनी प्रथम उपचार करून काही भक्तांना पुढील उपचारासाठी चंद्रपूर येथील स्थलांतरीत केल्याची माहिती आहे. या घटनेचा पुढील तपास मारेगाव पोलीस करत आहे.