हटवांजरी (पोड) येथील घटना
सुरेश पाचभाई मारेगांव,
मारेगाव तालुक्यातील खापरी येथील एका 40 वर्षीय शेतमजुराने कीटकनाशक प्राशन करून आत्महत्या केल्याची घटना घडली.अंकुश महादेव मडावी वय सुमारे 40 वर्ष रा.खापरी असे आत्महत्या केलेल्या शेत मजुराचे नाव आहे.
अंकुश हा हटवांजरी (पोड) येथे सासुरवाडीला राहायचा आणि शेत मजुरी करून तो आपल्या कुटुंबाचा उदरनिर्वाह करायचा. काल दिनांक 26 डिसेंबर 2023 रोज मंगळवारला दुपारी 12:30 वाजताच्या सुमारास सासऱ्याच्या शेतात त्याने मोनोसिल नावाचे विषारी कीटक नाशक प्राशन केले.कुटुंबातील सदस्यांच्या व बाजुच्या शेतकऱ्याच्या सदर घटना लक्षात येताच त्याला लगेच मारेगाव येथील ग्रामीण रुग्णालयात दाखल केले.
पण तेथील डॉक्टरांनी प्रथम उपचार करून त्याला पुढील उपचारासाठी चंद्रपूर येथे हलविले होते.पण चंद्रपूर येथे उपचारादरम्यान मध्यरात्रीच्या सुमारास त्याचा मृत्यु झाला.
त्याचेवर आज दिनांक 27 डिसेंबर 2023 रोज बुधवारला खापरी येथे जन्म गावी अंत्यसंस्कार करण्यात येणार असुन
मृतक अंकुश यांच्या पश्चात पत्नी,एक मुलगा असा आप्त परिवार आहे.मृत अंकुश यांच्या आत्महत्येचे कारण अस्पष्ट असुन एका तरुण शेतमजुराने आत्महत्ये सारखे टोकाचे पाऊल उचलल्याने खापरी व हटवांजरी (पोड)परिसरात सर्वत्र हळहळ व्यक्त होत आहे.या प्रकरणाचा पुढील तपास मारेगाव पोलीस करीत आहेत.