आदर्श हायस्कूल येथे करण्यात आले होते आयोजन
सुरेश पाचभाई मारेगाव,
रंगारंग नृत्याविष्कार,गीत गायन,फॅन्सी ड्रेस,खेळ तसेच विविध कार्यक्रमांनी आदर्श हायस्कूल तथा कला उच्च माध्यमिक विद्यालय मार्डी येथील सांस्कृतिक कार्यक्रम पार पडले.
यावेळी कार्यक्रमाचे अध्यक्ष म्हणून माजी प्राचार्य भास्करराव धानफुले तर उद्घाटक म्हणून माजी मुख्याध्यापक विलासराव ताजने होते.यावेळी मंचावर प्राथमिक आरोग्य केंद्र मार्डी येथील वैद्यकीय अधिकारी डॉक्टर शेख,निवृत्त शिक्षक डि के चटकी,मार्डी येथील उपसरपंच शोभाताई कॉलर, मार्डी येथील पोलीस पाटील डॉक्टर प्रशांत पाटील, दिवाकर पंडिले, प्रभारी मुख्याध्यापक रमेश ढूमणे, शिक्षक पालक संघाचे उपाध्यक्ष जगदीश आवारी,शिक्षक अनंत शिवरकर उपस्थित होते.
दि. 23,24,25 अशा तीन दिवस चाललेल्या या सांस्कृतिक कार्यक्रमामध्ये नृत्य, नाटक,एकांकिका, नकला, गीत गायन, फॅन्सी ड्रेसस्पर्धा यासारख्या विविध स्पर्धा घेण्यात आल्या. विद्यार्थ्यांच्या नृत्यअविष्काराने उपस्थितांच्या डोळ्यांचे पारणे फेडले.एका पेक्षा एक सुंदर असे परफॉर्मन्स यावेळी विद्यार्थ्यांकडून केल्या गेले.
पहिल्या दिवशी नृत्य, एकांकिका, नक्कल असे कार्यक्रम घेण्यात आले.या उदघाटनीय कार्यक्रमाचे संचालन भास्कर राऊत यांनी, प्रास्ताविक मुख्याध्यापक रमेश ढूमणे यांनी तर आभार नितु मेश्राम यांनी मानले.यावेळी सर्व मान्यवरांनी विद्यार्थ्यांना मार्गदर्शन केले.तर शेवटच्या दिवशी झालेल्या कार्यक्रमाचे संचालन सुरेश नाखले यांनी, प्रास्ताविक अनंत शिवरकर यांनी तर आभार जगन भोंगळे यांनी मानले.कार्यक्रमाच्या यशस्वीतेसाठी एकनाथ येटी, ज्ञानेश्वर दातारकर अंकुश कांबळे,भास्कर जिवतोडे यांनी प्रयत्न केले.कार्यक्रमाला सर्व विद्यार्थी तसेच पालकवर्ग मोठया संख्येने उपस्थित होते.