मारेगाव तालुक्यात तयार होणार नवीन क्रीडा संकुल
सुरेश पाचभाई मारेगाव,
तालुक्यातील रखडलेल्या क्रीडा संकुलाचा मार्ग मोकळा झाला आहे.जिल्हा क्रीडा अधिकारी यांनी मारेगाव येथे येऊन जागेची पाहणी केली. तसेच त्वरित काम सुरू करण्याच्या संदर्भात हालचाली सुद्धा सुरू केल्याने अखेर मारेगावकरांनी मोकळा श्वास सोडलेला आहे.
मारेगाव तालुक्यातील क्रीडा संकुलाचा प्रश्न अधांतरीच होता.मागील अनेक वर्षापासून येथील क्रीडा संकुल काही कारणामुळे प्रलंबित होते. यासाठी वेगवेगळ्या मार्गांनी वेगवेगळ्या अधिकारी पदाधिकाऱ्यांमार्फत तसेच आमदार संजीवरेड्डी बोदकुरवार यांचे मार्फत प्रयत्न करण्यात आले. टाकळखेडा रोडवर नवीन वसतिगृहाचे बाजूला प्रस्तावित असलेल्या तालुका क्रीडा संकुलासाठी 10 एकरची मागणी केली होती. त्यापैकी 5 एकर जागा मंजूर झाली आहे.
त्यासाठी एकूण रक्कम 5 कोटी मंजूर झाले आहे.
आणि या क्रीडा संकुलाचे त्वरित काम करण्यात येईल असे आश्वासन जिल्हा क्रीडा अधिकारी घनश्याम राठोड यांनी दिले.अखेर क्रीडा संकुलाचा निधी मंजूर झाला असून जिल्हा क्रीडा अधिकारी घनश्याम राठोड यांनी मारेगाव तालुक्यातील क्रीडा संकुलाची पाहणी केली. यावेळी तालुका क्रीडा अधिकारी चैताली लोखंडे, मनीष डोळसकर, तालुका क्रीडा संयोजक बंडू काकडे,धनराज ठेपाले उपस्थित होते.