मारेगाव पोलीसांची धडाकेबाज कारवाई
एकूण 10 हजार 570 रुपयाचा मुद्देमाल जप्त
सुरेश पाचभाई मारेगाव,
देशी – विदेशी दारू विकत असलेल्या इसमाजवळील महिलांनी धाड टाकून दारू पकडल्याची घटना मारेगाव तालुक्यातील कानडा येथे घडली. यात 10 हजार 570 रुपयाची दारू पकडली असून ती मारेगाव पोलिसांच्या स्वाधीन करण्यात आली.
कानडा गावामध्ये एक इसम अवैधपणे दारू विक्री करीत असल्याचा माहिती आज दिनांक 5 मार्च 2024 रोज मंगळवारला 10 वाजता मारेगाव पोलिसांना भ्रमनध्वनीवरून मिळाली.यावरून मारेगाव पोलिसांनी तात्काळ कानडा येथे जाऊन धाड टाकली असता एक इसम अवैधपणे दारू विक्री करीत असल्याचे आढळून आले.
गणेश फाले असे दारू विक्री करीत असलेल्या व्यक्तीचे नाव असून पोलिसांना बघुन त्याने पोबारा केला.पोलिसांनी त्या ठिकाणापासून 180 मिलीचे 76 पव्वे,90 मिलीचे 86 पव्वे आणि md विदेशी दारूचे 7 पव्वे जप्त करण्यात आले आहे.या प्रकरणाचा पुढील तपास नव्याने रुजू झालेले ठाणेदार शंकर पांचाळ यांचे मार्गदर्शनाखाली जमदार राजु टेकाम,अतुल सरोदे करीत आहे.