रस्त्याच्या कडेचे काटेरी झाड देत आहे अपघाताला निमंत्रण
संबंधित विभागाने याकडे लक्ष देण्याची गरज
सुरेश पाचभाई :- संपादक विदर्भ एस.पी.न्यूज मारेगांव,
मारेगाव तालुक्यातील बुरांडा ख.येथे गावात जाण्याच्या मार्गावर मोठ्या प्रमाणात काटेरी झाडे-झुडपे रस्त्याच्या कडेलाच वाढलेले आहे.त्यामुळे या रस्त्याने साधी बैलगाडी आली तरी दुचाकीस्वारांना जाण्यासाठी रस्ताच शिल्लक राहत नाही.
अशातच आज सकाळी एक दुचाकीस्वार गंभीर जखमी झाल्याची घटना आज दिनांक २० मार्च २०२४ रोज बुधवारला सकाळी १० वाजताचे दरम्यान घडली असुन अजय किसन वाघाडे अंदाजे वय २४ वर्ष रा. खंडणी ता.मारेगाव जि.यवतमाळ असे अपघातात गंभीर जखमी झालेल्या युवकाचे नाव असुन तो आज सकाळी काही कामानिमित्त खंडणी येथून मारेगाव येथे गेला होता.
मारेगाव येथील काम आटोपून परत गावाला खंडणी येथे जात असताना रस्त्यातच बुरांडा बस स्टॉप पासून जवळच लॉ कॉलेज समोर काटेरी झुडपामुळे टर्निंगवर त्याला रस्त्याचा अंदाज न आल्यामुळे त्याची गाडी काटेरी सुबाभळीच्या झाडाला जाऊन धडकली यात तो गंभीर जखमी झाला.
अपघात होताच रस्त्यांने ये-जा करणाऱ्या काही नागरिकांनी सदर घटनेची माहिती मारेगांव पोलिसांनी दिली व त्याला साई मित्र परिवाराच्या ॲम्बुलन्सने निलेश बेंडे आणि प्रज्वल नांदे यांनी त्यांना लगेच मारेगाव येथील ग्रामीण रुग्णालत दाखल केले.असून या प्रकरणाचा पुढील तपास मारेगांव पोलीस करत आहे.
“सदर रस्ता हा मुख्यमंत्री सडक योजनेअंतर्गत असून या रस्त्याच्या बाजूला मोठ्या प्रमाणात काटेरी झाडे झुडपे झालेले आहे मात्र संबंधित विभाग याकडे कायम दुर्लक्ष करत असल्याचा आरोप परिसरातील नागरिक करीत आहे”