करंजी-वणी राज्य महामार्गावरील खडकी टेकडीजवळील घटना
गजानन आसुटकर मारेगाव,
मारेगाव येथील आपले काम आटोपून दुचाकीने परत आपल्या गावाकडे येत असताना समोरून येणाऱ्या बसने दुचाकीला धडक दिली यात दुचाकी चालक गंभीर जखमी झाला.ही घटना आज दिनांक ८ एप्रिल २०२४ रोजी सोमवारला सायंकाळी ७ वाजताचे दरम्यान घडली.
जिवन वसंतराव आत्राम वय अंदाजे २३ वर्ष रा.सालई पोड, (खंडणी) तालुका मारेगाव असे अपघातात जखमी झालेल्या युवकाचे नाव आहे.सालई पोड येथील जिवन हा मारेगाव येथे दुचाकीचे फायन्स भरण्यासाठी आला होता. तेथील काम आटपून तो आपल्या गावाकडे परत जात असताना खडकी फाट्यापासून हाकेच्या अंतरावर असलेल्या टेकडी जवळ त्याच्या गाडीला समोरून येणाऱ्या बस ने जोरदार धडक दिली.ही बस यवतमाळ वरून वणी चंद्रपूर मार्गे राजुरा येथे जात होती.
या अपघातात जिवन गंभीर जखमी झाला असून त्याचा अपघात घडताच रस्त्याने ये-जा करणाऱ्या काही नागरिकांनी मदत करत त्याला लगेच मारेगाव येथील ग्रामीण रुग्णालयात दाखल केले.तिथे त्याच्यावर प्राथमिक उपचार करून त्याला पुढील उपचार साठी यवतमाळ येथे पाठवण्यात आल्याची माहिती आहे.सदर घटनेची माहिती मिळताच मारेगाव पोलीस घटनास्थळी दाखल झाले असून या अपघाताचा पुढील तपास मारेगाव पोलीस करीत आहे.