बुरांडा खडकी येथे निघाली विदेही सद्गुरु श्री जगन्नाथ महाराज यांची भव्य पालखी
रामनवमीच्या पावन पर्वावर निघाली पालखी
सुरेश पाचभाई संपादक:-विदर्भ एस.पी.न्यूज नेटवर्क मारेगाव,
परिसराची पंढरी म्हणून ओळख असलेल्या श्री संत जगन्नाथ बाबा देवस्थान वेगाव येथे जगन्नाथ बाबा यांचा भव्य जन्मोत्सव सोहळा मोठया उत्साहात पार पडला.या वेळी गावातील व परिसरातील भाविकांची मोठ्या प्रमाणात मांदियाळी जमली होती.
श्री.सद्गुरू जगन्नाथ बाबा देवस्थान वेगाव हे परिसराची पंढरी मानल्या जाते.येथे कमिटी तर्फे व समस्त गावकऱ्यांतर्फे श्री संत जगन्नाथ बाबा यांचा जन्मोत्सव मोठ्या उत्साहात साजरा करण्यात आला.
यावेळी गावातील नागरिक तथा परिसरातील भाविक भक्त मोठ्या संख्येने हजर होते.
तसेच मारेगाव तालुक्यातील बुरांडा (ख) येथे दिनांक 17 एप्रिल 2024 रोज बुधवारला श्रीराम नवमी जन्मोत्सवा निमित्त श्री सद्गुरु जगन्नाथ महाराज मंदिर देवस्थान कमिटी बुरांडा (खडकी) यांचे वतीने जगन्नाथ महाराजांची दमणी सह भव्य पालखी काढण्यात आली.
भक्तिमय वातावरणात गावातील असंख्य महिला पुरुष व वृद्ध नागरिकांसहित छोट्या मुलांची उपस्थिती लक्षणीय होती. ही पालखी गावातील मुख्य मार्गाने काढण्यात आली.
