चोरटे सीसीटीव्ही कॅमेऱ्यात कैद
चोरीत वापरलेली कार करंजीत
सुरेश पाचभाई मारेगाव
मार्डी येथील मुख्य लाईनमध्ये असलेली तीन दुकाने फोडून अज्ञात चोरट्यानी हात साफ केल्याची घटना दिनांक 20 जुलै 2024 च्या पहाटेच्या सुमारास घडली आहे.
मागील वर्षी मारेगाव शहरात एकाच रात्री अनेक घरी चोरी झाल्याची घटना ताजी असतांनाच तशाच प्रकारचा प्रयत्न आज मार्डीमध्ये घडला.मार्डी मुख्य बाजारलाईन मध्ये असलेले गौरव अनंतवार यांचे वैष्णवी ज्वेलर्स, हरीश नागपुरे यांचे गुरुदेव मेडिकल स्टोअर्स,मनोहर ठाकरे यांचे साई किराणा या दुकानांना फोडून गुरुदेव मेडिकल स्टोअर्स मधुन 14 हजार रुपये रोख लंपास केले हा सगळा प्रकार दि.२० जुलैला पहाटेच्या सुमारास घडला.
पांढऱ्या रंगाची इंडिगो वाहनामधून खाली उतरत चेहऱ्याला कपडा बांधलेले चार जण रस्त्यावरून फिरताना तर एक जण पांढऱ्या रंगाची कार चालवत असल्याचे सीसीटीव्ही कॅमेरात कैद झाले.यावरून चोरटे पाच जण असावेत असा अंदाज व्यक्त केला जात आहे.हरीश नागपुरे यांच्या गुरुदेव मेडिकलमध्ये असलेला सिसिटीव्ही कॅमेराचा डीवीआर चोरट्याकडून फोडण्यात आला.मात्र चोरट्याच्या हाती फारसे काही लागले नसले तरी या घटनेने व्यापारी व नागरिकांत भीतीचे वातावरण निर्माण झाली आहे.
या घटनेची पोलीस विभागाने दखल घेत उपविभागीय पोलीस अधिकारी गणेश किंद्रे यांनी घटनास्थळाला भेट देऊन पाहणी केली.
या घटनेचा अधिक तपास उपविभागीय पोलीस अधिकारी गणेश किंद्रे यांचे मार्गदर्शनाखाली पोलीस निरीक्षक शंकर पांचाळ,पी एस आय डी.जी.सावंत, ए एस आय भालचंद्र मांडवकर, रजनीकांत पाटील, अजय वाभीटकर, प्रमोद जिद्देवार, विजय वानखडे अधिक तपास करून चोरट्याचा शोध घेत आहे.
चोरीत वापरलेली कार करंजीत
मार्डी येथील चोरीच्या घटनेमध्ये वापरलेली पांढऱ्या रंगाची कार बुलढाणा जिल्हातील मेहकर येथील चोरीची असल्याचे कळते. चोरीतील कार करंजीमध्ये उड्डाणपुलाखाली बेवारस अवस्थेत आढळून आली तर चोरट्यानी करंजी येथील बोलेरो पिकप गाडी चोरून पलायन केल्याचे समजते.