सुरेश पाचभाई मारेगाव,
मारेगाव तालुक्यांतील मुळगाव चिं. बोटोणी येथील सध्या राहणार कोंढवा बुद्रुक,पुणे येथील मनस्वी विशाल पिंपरे हिला पुणे येथे नुकत्याच पार पडलेल्या रॉक ऑन व्हील स्केटिंग अकॅडमीच्या वार्षिक पुरस्कार वितरण सोहळ्यात महाराष्ट्र खेल पुरस्कार 2023 प्रदान करण्यात आला. मनस्वीने 2023 या वर्षामध्ये मध्ये गिनीज वर्ल्ड रेकॉर्ड तथा चेन्नई येथे झालेल्या 61 व्या राष्ट्रीय स्केटिंग स्पर्धेमध्ये महाराष्ट्र राज्याकरिता कांस्य पदक मिळविले होते.
तिच्या या स्केटिंग मधील उत्कृष्ठ कामगिरीची दखल घेत,महाराष्ट्र खेल पुरस्कार समिती तर्फे देण्यात येणारा महाराष्ट्र खेल पुरस्कार 2023 (उत्कृष्ठ खेळाडू) बहाल करण्यात आला,वार्षिक पुरस्कार वितरण कार्यक्रमाचे प्रमुख पाहुणे विधान परिषद आमदार योगेश टिळेकर, प्रमुख अतिथी माजी नगरसेविका रंजनाताई टिळेकर ,वृषालींताई कामठे तसेच भाजपा नेते राजाभाऊ कदम उपस्थीत होते.
कार्यक्रमाचे निवेदन मंगेश कंक यांनी केले तर प्रशिक्षक विजय मलजी सर यांनी प्रास्ताविक केले,या पुरस्कार सोबत मनस्वीला बेस्ट प्लेअर ऑफ द ईअर 2023 ने सन्मानित करण्यात आले. तिने आतापर्यंत एकूण 78 विविध स्केटिंग स्पर्धा मधून 87 सुवर्ण पदके, 11 रजत पदके आणि 10 कांस्य पदके मिळवली आहे. 27 बुक्स ऑफ वर्ल्ड रेकॉर्ड आणि 15 विविध पुरस्कार अशी अष्टपैलू कामगिरी केली आहे.
ती सध्या रॉक व्हील स्केटिंग अकॅडमी येथे प्रशिक्षक विजय मलजी सर यांच्या मार्गदर्शना खाली स्केटिंग प्रशिक्षण घेत असून,मारुती बधे मेमोरियल स्कूल कोंढवा बुद्रुक येथे शिकत आहे , तिला मिळालेल्या पुरस्कार करीता तिचे सर्वत्र कौतुक केले जात आहे.