स्त्रीरोग,हृदयरोग व मधुमेह,अस्थिरोग,बालरोग,जनरल फिजिशियन, नेत्ररोग,सर्जरी,दंतरोग,कान,नाक व घसा मोफत तपासणी
मोठ्या प्रमाणात रुग्णांनी लाभ घेण्याचे काँग्रेसचे प्रदेश कमिटी सदस्य तथा शिबिराचे संयोजक डॉ. महेंद्र लोढा यांचे आयोजन
विदर्भ एस.पी.न्यूज नेटवर्क मारेगाव,डेस्क
गणेशोत्सव,गौरीपूजन व ईद ए मिलाद निमित्त मुकुटबन येथील कृषी उत्पन्न बाजार समिती येथे महाआरोग्य शिबिराचे आयोजन करण्यात आले आहे.सोमवारी दिनांक 9 सप्टेंबर रोजी दु. 1 ते 5 या वेळेत हे शिबिर होणार आहे.
या महाआरोग्य शिबिरात मोफत आरोग्य तपासणी,रोग निदान, ईसीजी,रक्त तपासणी,बीएमडी तपासणी केली जाणार आहे.रुग्णांना मोफत प्राथमिक औषधी वितरण केले जाणार आहे.खा.प्रतिभा धानोरकर यांच्या मार्गदर्शनात व माजी आमदार वामनराव कासावार यांच्या नेतृत्त्वात हे शिबिर होत आहे.या शिबिराचा झरी तालुक्यातील अधिकाधिक रुग्णांनी लाभ घ्यावा,असे आवाहन काँग्रेसचे प्रदेश कमिटी सदस्य व शिबिराचे संयोजक डॉ. महेंद्र लोढा यांनी केले आहे.
सदर आरोग्य शिबिरात स्त्रीरोग तज्ज्ञ, हृदयरोग व मधुमेह तज्ज्ञ, अस्थिरोग तज्ज्ञ, बालरोगतज्ज्ञ, जनरल फिजिशियन, नेत्ररोगतज्ज्ञ, सर्जरी तज्ज्ञ, दंतरोग तज्ज्ञ, कान, नाक व घसा तज्ज्ञ रुग्णांची मोफत तपासणी व उपचार करणार आहेत.शिबिराच्या यशस्वीतेसाठी काँग्रेसचे झरी तालुक्यातील सर्व पदाधिकारी व कार्यकर्ते परिश्रम घेत आहेत.शिबिराला तालुक्यातील अधिकाधिक रुग्णांनी लाभ घ्यावा, असे आवाहन वणी विधानसभा क्षेत्र काँग्रेसतर्फे करण्यात आले आहे.
!!!! मारेगाव व वणी येथेही शिबिर!!!!
शनिवारी दिनांक 14 सप्टेंबर रोजी लोढा हॉस्पिटल मारेगाव तर 15 सप्टेंबर रोजी वणी येथे महाआरोग्य शिबिर होणार आहे.मुकुटबन व मारेगाव येथील शिबिरात ज्या रुग्णांना गंभीर आजाराचे निदान होणार आहेत.त्या रुग्णांवर वणी येथे दि. 15 सप्टेंबर रोजी होणा-या सुपरस्पेशालिटी शिबिरात उपचार केले जाणार आहे.