सुरेश पाचभाई मारेगाव,
मारेगाव तालुक्यातील हिवरी येथे दिनांक 5 ऑक्टोंबर 2024 ला जि.प.उच्च प्राथमिक शाळा हिवरीला शाळा व्यवस्थापन समितीच्या वतीने स्मार्ट टीव्ही संच भेट देण्यात आला.यामुळे आता येथील विद्यार्थ्यांना डिजिटल शिक्षण मिळणार आहे.
शाळा व्यवस्थापन समितीचे अध्यक्ष श्री.ईश्वर थेरे ,सौ.शुभांगी पिंपळकर, सौ.लता मेश्राम, सौ.तृप्ती सोमलकर ,श्री.निलेश डवरे ,श्री.युवराज आस्वले,सौ.सुवर्णा कुळमेथे इ.सदस्यांनी तसेच हिवरी गावचे प्रतिष्ठित नागरिक श्री.वसंत एकनाथ कुचनकार यांनी स्वर्गीय कैलास वसंतराव कुचनकार स्मृतीप्रित्यर्थ देणगी देऊन मोलाचे सहकार्य केले.
या कार्यक्रम प्रसंगी मुख्याध्यापक स्वप्नील नवखरे यांनी, “हा टीव्ही विद्यार्थ्यांना विविध शैक्षणिक कार्यक्रम आणि माहितीपूर्ण व्हिडिओ पाहण्याची संधी देईल,ज्यामुळे त्यांच्या ज्ञानात वृद्धी होईल.”असे मत व्यक्त केले तर शाळा व्यवस्थापन समितीचे अध्यक्ष श्री.ईश्वर थेरे यांनी, “आम्हाला ही कल्पना शाळेतील शिक्षकांच्या प्रोत्साहनामुळेच मिळाली असून विद्यार्थ्यांच्या शैक्षणिक अनुभवाला समृद्ध करणे,डिजिटल शिक्षणाला प्रोत्साहन देणे,शिक्षणाच्या गुणवत्तेवर लक्ष केंद्रित करणे या स्मार्ट टीव्हीच्या माध्यमातून शक्य होईल असे सूचित केले.
” या कार्यक्रमास हिवरी गावचे सरपंच,उपसरपंच व अन्य सदस्य उपस्थित होते. विद्यार्थ्यांनी यावेळी खूप आनंद व्यक्त केला. त्यामुळे शाळेच्या वातावरणात उत्साह निर्माण झाला.शाळेचे सहा.शिक्षक अमोल वावरे यांनी कार्यक्रमाचे संचालन केले तसेच देणगीदारांचे व उपस्थितांचे आभार मानले.