विदर्भ स्तरिय खंजेर भजन स्पर्धेत राज्याबाहेरील मंडळांनी घेतला सहभाग
ज्ञानेश्वर आवारी झरी जामणी,
झरी येथून हाकेच्या अंतरावर जामणी येथे महांकाली देवीचे ३०० वर्षा पूर्वी पासूनचे पुरातन मूर्तीचा जीर्णोद्धार २००७ मध्ये प्रकाश मॅकलवार यांनी केला असून तेव्हापासून या महांकाली मंदिरामध्ये प्रत्येक वर्षी सामाजिक धार्मिक कार्यक्रम घेतल्या जात असून या महांकाली मंदिराला पंचक्रोशीतील भाविक भक्त मंदिरात शनिवारपासून ते दसऱ्यापर्यंत महांकाली देवीच्या दर्शनाकरिता आश्विन नवरात्रौत्सव महिन्यात येतात
प्रकाश भाऊ मॅकलवार हे देवीचे भक्त असल्याने नवरात्रमध्ये देवीची आराधना व विविध कार्यक्रम घेतल्या जात आहे यावर्षी महांकाली मंदिराच्या आयोजकांनी दि . ५ व ६ आक्टोबर रोजी विदर्भ स्तरीय खंजिरी भजन स्पर्धेचे आयोजन करण्यात आले होते.वर्धा ,नागपूर, अमरावती,अकोला , बुलठाणा ,नांदेड , वाशिम,चंद्रपूर,गडचिरोली भंडारा इ. जिल्ह्यातून भजन मंडळ तसेच महाराष्ट्राच्या बाहेरील तेलंगणा राज्यातील अशा एकूण पंचेचाळीस भजनी मंडळ सहभागी झाले होते.
पुरुष गटांमधील प्रथम क्रमांक आदर्श भजन मंडळ निमगव्हाण जि अमरावती ,द्वितीय क्रमांक सार्थक भजन मंडळ हस्तापूर जि. यवतमाळ ,राष्ट्रसंत भंजन मंडळ जनुना जि.वाशीम यांनी तृतीय क्रमांक चे गुण संपादन करून पारितोषिक पटकावले आहे.महिला व बाल स्पर्धकातून प्रथम क्रमांक जय भवानी महिला भजन मंडळ नेहरू नगर अमरावती,व्दितीय क्रमांक जिजाऊ महिला भजन मंडळ चंद्रपूर , तृतीय क्रमांक नवदुर्गा महीला भजन मंडळ देवळी वर्धा यांनी मिळवला आहे .परिक्ष म्हणून प्रा.जितेंद्र जुनगरे व श्री मधुकर गेडाम यांनी काम पाहिले.परिसरातील गुरुदेव प्रेमी यांनी दोन दिवस भजनाचा आनंद घेतला .
या नवरात्र उत्सवामध्ये झरी जामणी येथील नागरिकांनी मोलाचे सहकार्य करीत आहे व प्रकाश भाऊ मॅकलवार यांनी विशेष योगदान दिले आहे .या नवरात्री उत्सवामध्ये रोज सकाळी५-३० व संध्याकाळी ७-०५ वाजता आरती होत असून रात्री ९ ते १० वाजता कीर्तनकार हभप प्रशांत भोयर महाराज यांचे भजन व कीर्तनाचा कार्यक्रम होत आहे.
या महांकाली मंदिरात विदर्भातील भाविकांचे श्रद्धास्थान बनले आहे. या मंदिरात घटस्थापनेपासून ते दसरादरम्यान अश्विन नवरात्रोत्सवात भाविकांची मोठ्या प्रमाणात गर्दी असते.तसेच येथे विविध धार्मिक अध्यात्मिक व सामाजिक कार्यक्रमांचे आयोजन करण्यात येते. व या मंदिराचे सेवेकरी म्हणून विठ्ठल महाराज लक्ष्मण कोरांगे व देवराव वाडगुरे हे भाविक भक्तांना सेवा देत आहे.